चट्टान चक्र

चट्टान के एक रूप से दुसरे रूप में बदलाव के चक्र

चट्टान चक्र भा शैल चक्र (अंगरेजी: Rock cycle; रॉक साइकिल) भूबिज्ञान के एगो बेसिक कांसेप्ट हवे जेह में चट्टान सभ के मुख्य प्रकार के एक से दुसरे प्रकार में बदलाव होखे के बिबरन दिहल जाला। दाब-ताप के बदलाव, पानी के संजोग नियर कारन से चट्टान जवना स्थिति में बनल होखे ओह दसा में बदलाव हो जाला आ एही कारन एक प्रकार के चट्टान लंबा भूबैज्ञानिक समय में दुसरे परकार में बदल सके ला।