बनारसी साड़ी

बनारसी साड़ी
बनारसी साड़ी
भूगोलीय इंडिकेशन (जीआइ)
	जरी के काम वाली बनारसी साड़ी
बिबरन	बनारस आ आसपास के इलाका में हथकरघा पर बीनल जाए वाली रेशम के साड़ी।
प्रकार	हाथ के बनल सामान (Handicraft)
इलाका	बनारस, उत्तर प्रदेश
देस	भारत

बनारसी साड़ी एगो बिसेस किसिम के साड़ी हऽ जे शहर बनारस आ आसपास के इलाका में हथकरघा पर बीनल जाले।^[1] रेशम (सिल्क) के ऊपर सोना-चानी के तार के कढ़ाई आ जरी, भा रंगीन रेशम के सूत के कढ़ाई के काम वाली ई साड़ी भारत के सभसे बेहतरीन साड़ी सभ में गिनल जाए वाली साड़ी हईं जे औरत लोग बहुत खास मोका पर पहिरे ला। बहुधा ई बियाह के समय दुलहिन के पोशाक होखे ला।

महीन रेशम के सूत से बनल आ ओहपर कढ़ाई के कारन ई साड़ी भारी होखे लीं। कढ़ाई आ जरी के काम जेतने बेसी होला साड़ी के वजन, बीने में लागे वाला समय आ दाम ओतने बेसी होला।

बनारस शहर के आसपास के इलाका जेह में खुद बनारस जिला के अलावा चंदौली, भदोही, मिर्जापुर, जौनपुर आ आजमगढ़ जिला के इलाका सामिल बाने ई साड़ी बीने के काम पुराना समय से होखत आ रहल बा। साल 2009 में एह साड़ी सभ के "बनारसी कढ़ाई आ साड़ी" के नाँव से जीआई टैग मिलल जे एक किसिम के बौद्धिक अधिकार हवे कि कौनों खास जगह से जुड़ल चीज के पहिचान आ ओकरे क्वालिटी आ परिसिद्धि ओह जगह के नाँव से पहिचानल जाय आ अउरी कहीं ओकर नकल क के ई चीज ओही नाँव से न बिकाय।^[2]

पछिला कुछ समय में बनारसी बुनकर लोग के बहुत संकट के सामना करे के पड़ल आ एह साड़ी सभ के उद्योग पर खतरा पैदा भऽ गइल रहल। एह में मुख्य कारन मशीन द्वारा अइसने मिलत-जुलत साड़ी के बिनाई क के गुजराती ब्यापारी लोग आ चीन के बनल साड़ी के ब्यापारी लोग बजार के अइसन साड़ी से भर दिहलें जे बनारसी के नाँव से बिकायँ।^[3]

संदर्भ संपादन करीं

↑ N. N. Mahapatra (2016). Sarees of India. Woodhead Publishing India PVT. Limited. pp. 20–. ISBN 978-93-85059-69-8.
↑ N. N. Mahapatra (2016). Sarees of India. Woodhead Publishing India PVT. Limited. pp. 23–. ISBN 978-93-85059-69-8.
↑ Nirmal Sengupta (29 September 2018). Traditional Knowledge in Modern India: Preservation, Promotion, Ethical Access and Benefit Sharing Mechanisms. Springer. pp. 131–. ISBN 978-81-322-3922-2.

बाहरी कड़ी संपादन करीं

Timeless Grace of Banarsi saris Archived 2021-01-21 at the Wayback Machine (अंग्रेजी में)
Banarasi sari and Brocades बनारस के ऑफिशियल वेबसाइट पर। (अंग्रेजी में)
Banarasi sari (अंग्रेजी में)

[Mahapatra2016_1-1] N. N. Mahapatra (2016). Sarees of India. Woodhead Publishing India PVT. Limited. pp. 20–. ISBN 978-93-85059-69-8.

[Mahapatra2016_2-2] N. N. Mahapatra (2016). Sarees of India. Woodhead Publishing India PVT. Limited. pp. 23–. ISBN 978-93-85059-69-8.

[Sengupta2018-3] Nirmal Sengupta (29 September 2018). Traditional Knowledge in Modern India: Preservation, Promotion, Ethical Access and Benefit Sharing Mechanisms. Springer. pp. 131–. ISBN 978-81-322-3922-2.

[1]

[2]

[3]