कला आ मनोरंजन मानव जीवन के अभिन्न अंग ह। रोज के भाग -दौड़ के बाद खाली समय में हर आदमी मनोरंजन करके तनाव दूर करकेकरेके कोशिस करेला। मनोरंजन के क्षेत्र में फिलिम के बहुत योग दान बा। फिलिम अंग्रेजी भाषा के "film" शब्द के अपभ्रंस रूप ह। एकरा के हिंदी में चलचित्र चाहे सिनेमा,अंग्रेजी में "Moovies" आदि कहल जाला "film" वास्तव में उ रील के कहल जाला जवना पर कवनो चित्र या चलचित्र अंकित होला ई [[कैमरा]] में प्रयोग करे खाती प्रकाश के प्रति संबेदनशील [[पायस]] आदि पोतल कार्बन प्लास्टिक आदि के समिश्रण से बनल पातर लचकदार पट्टी नियन होला जवना प चित्र अथवा चलचित्र कैमरा से अंकित कईल जाला।एकरा पर तेज प्रकाश के किरण परला प चित्र आगे परदा प दिखाई देला। यदि एक निमेष(आदमी के एक बार आंखि झपके के समय ) में ५० | गो से ज्यादा चित्र एक साथ देखावल जाय त चित्र में चित्रित चरित्र गतिमान लउके लागि लोग मनोरंजन खाती एकरा के देखे जात रहन आ सामान्य बोल चाल के भाषा में फिलिम कहे लागले।
'''फिलिम के इतिहास''
आदम काल में मानव आपन छाया जल में देखि के समय बितावत रहे. कबो अपना चेहरा पर फेंड के पतई मिस के हरियर रग पोतत रहे त कबो जरल पतई के करिखा पोत के अपना के जल में निहारत रहे आ मनोरंजन करत रहे।