धान

एशियाई धान (बैज्ञानिक नाँव: ओराइजा सैटाइवा, Oryza sativa) भा खाली भर धान, एक किसिम के घास हवे जेकर बीया भी धान कहाला आ एही बीया के भूसी बिलगा के चाउर उपराजल जाला जे दुनिया के काफी बड़हन इलाका के जनसंख्या के मुख्य भोजन हवे। एह तरीका से, ई बनस्पति एक किसिम के फसल हवे जे खाद्यान्न खाती खेती क के उपराजल जाला। एह फसल के मुख्य इलाका पूरबी एशिया, दक्खिन-पूर्ब एशिया आ भारतीय उपमहादीप हवें।