राहत फतेह अली खान

राहत फ़तेह अली ख़ान (जनम 9 दिसंबर 1974) एगो पाकिस्तानी गायक बाड़ें। मूल रूप से कउआली गावे वाला परिवार से हवें आ परसिद्ध गायक नुसरत फ़तेह अली ख़ान के भतीजा हवें। सूफ़ी कउआली एगो बिधा हवे जेह में ई सभसे ढेर गावे लें हालाँकि, गजल आ अउरी किसिम के गाना भी गवले बाड़ें। राहत फ़तेह अली खान कई गो अंतर्राष्टीय कार्यक्रम में गा चुकल बाड़ें आ भारतीय सिनेमा (बॉलीवुड) में आ पाकिस्तानी सिनेमा में मशहूर कलाकार हवें। एमटीवी पाकिस्तान के कोक स्टूडियो खातिर लाइव गावे के प्रोग्राम खातिर भी इनके खूब परसिद्धि मिलल आ नुसरत फ़तेह अली खान के कई गो कव्वाली सभ के दोबारा गावे खातिर भी जानल जालें।