नारियल: रिवीजन सभ के बीचा में अंतर

'''नरियर''' चाहे '''नारियल''' (''Cocos nucifera'') एगो लमहर फेड़ होला जे गरम नम जलवायु वाला इलाका सभ में पैदा होला। ई ''आरकेसिये'' परिवार के पौधा हवे जिनहन के आम अंगरेजी में ''पाम'' कहल जाला, एह परिवार के ''कोकोस'' जाति के ई एकलौता पौधा हवे। नरियर के पेड़ पर कड़ेर खोल वाला फल फरे ला जेकरा अंदर गरी आ पानी होला। आम भाषा में नारियल शब्द के मतलब एकर पेड़ आ फर दूनों हो सके ला। अंगरेजी भाषा में एकरा के ''कोकोनट'' (Coconut) कहल जाला जेह में ''कोको'' शब्द पुर्तगाली आ स्पेनी भाषा से आइल हवे जेकर अरथ खोपड़ी होला, एकरे फर के कड़ेर खोपड़ी नियर खोल वाला होखे के कारन ई नाँव पड़ल हवे। संस्कृत में एकरा के ''नारिकेल'' कहल जाला आ कुछ जगह एकरा के ''श्रीफल'' भी कहल जाला जेकरा के भोजपुरी के [[सिरफल]] से अलग बूझे के चाहीं।