एमिरेट्स दुबई अन्तर्राष्ट्रीय विमानक्षेत्र, दुबई आधारित एगो वायुसेवा ह।[1] इ मध्य पूर्व  क प्रति सप्ताह 3600 उड़ान संचालित करे वाली सबसे बड़ वायु सेवा ह। इ आपन हब से विश्व की 6 महाद्वीपन की 81 देश की 140 शहरन में सेवा देले।[2] इ कंपनी विश्व क दस सबसे बड़  अविराम व्यापारिक उड़ान मार्ग यानि दुबई से लॉस एंजिलस, सैनफ्रांसिस्को, डैल्लास एवं हाउस्टन के भी वायु सेवा देले।[3]एमिरेट्स,  द एमिरेट्स समूह क सहभागी कंपनी ह, जेमें लगभग 50,000 कर्मचारी सेवारत बान स और इ  दुबई सरकार की पूर्ण स्वामित्व में सीधा इन्वेस्ट्मेन्ट कार्पोरेशन ऑफ़ दुबई की अधीन कार्य करेले। एकर माल यातायात (कार्गो) संबंधी सब गतिविधि एमिरेट्स समूह की एमिरेट्स स्काई कार्गो प्रभाग द्वारा संचालित होला।[4]

Logo of Emitares
एमिरेट्स एयरलाइन्स के लोगो

एमिरेट्स नियमित यात्री आमद और किलोमीटर उड़ान की मामला में दुनिया क चौथा सबसे बड़ एयरलाइन ह,[5] साथे साथ अन्तर्राष्ट्रीय यात्री लोगन के सेवा प्रदान करे वाली चौथा बड़ा एयरलाइन ह।[6]एमिरेट्स दुबई से ऑकलैंड खातिर सबसे लंबी दुरी वाला अविराम व्यावसायिक उड़ान सेवा देवे वाला उड़ान सेवा रहे जबले की क़तर एयरवेज से इ पिछड़ नाहीं गइल।

1980 की दशक की मध्य में गल्फ एयर दुबई खातिर अपनी सेवा में कटौती करल शुरू क देले रहे। एही वजह से दुबई की शाही परिवार की सहायता से पाकिस्तान इंटरनेशनल एयरलाइन्स से भाड़ा प लिहल दुगो विमानन की साथ एमिरेट्स मार्च 1985 में आपन पहिला सेवा आरम्भ कईलस। 10 मिलियन डॉलर की आरंभिक पूंजी की साथ ए एयरलाइन्स के बिना कौनों सरकारी सहायता के आपन संचालन करे के रहे। पाकिस्तान इंटरनेशनल एयरलाइन्स अपनी एकेडमी में एमिरेट्स की केबिन क्रू के प्रशिक्षण दिहलस। इ एयरलाइन अहमद बिन सईद अल मक्तोउम, जवन की एकर वर्तमान प्रेसिडेंट हंव, उनकी नेतृत्व में शुरू कईल गइल। अपनी शुरुआत की कुछ ही वर्ष की अंदर एमिरेट्स आपन विमान दस्ता और गंतव्य की संख्या में कई गुना वृद्धि क लिहलस। अक्टूबर 2008 में एमिरेट्स आपन सब ऑपरेशन्स के दुबई इंटरनेशनल एयरपोर्ट की टर्मिनल 3 में स्थानांतरित क दिहलस।[7]

एमिरेट्स एयरबस और बोइंग क वाइड बॉडी वाला विमानन की मिलल-जुलल दस्ता की साथ संचालन करेले और दुनिया की कुछ सिमित एयरलाइन्स में से एगो ह जवन सिर्फ वाइड बॉडी वाला विमानन से संचालन करे न स। सितंबर 2016 में एमिरेट्स एयरबस ए-380 विमानन की सबसे बड़ दस्ता कुल 83 विमान सेवा में और 59 विमान जल्द शामिल कईल जाए वाला एयरलाइन रहे। पहिला बेर शामिल कइले की साथ ही एयरबस ए-380 भीड़-भाड़ वाला लंबा दूरी की गंतव्य खातिर एमिरेट्स की पहिला पसंद रहल बा। एमिरेट्स बोइंग विमानन क परिचालन करे वाली सबसे बड़ एयरलाइन ह।

कॉर्पोरेट प्रबंधन संपादन करीं

 
Emirates cabin crew attendants

इ एयरलाइन एमिरेट्स ग्रुप क एगो सहायक कंपनी ह जवन स्वयं दुबई सरकार की स्वामित्व वाली निवेश कंपनी इन्वेस्टमेंट कारपोरेशन ऑफ़ दुबई क सहायक कंपनी ह।[8][9][10] आपन शुरुआत की बाद से ही, दूसरा साल के छोड़ के, एमिरेट्स कबो घाटा में नाहीं रहल और एकर सालाना वृद्धि कबो 20% से कम नाहीं रहल। आपन पहिला 11 साल में इ हर साढ़े तीन साल में और ओकरी बाद से हर चार साल में दुगना आकार वाला हो जा।[11]

स्थान संपादन करीं

संधि संपादन करीं

एमिरेट्स विश्व की तीनगो बड़का एयरलाइन अलायंस – वन वर्ल्ड, स्काई टीम अथवा स्टार अलायन्स - में से कौनों क सदस्य नाहीं ह। साल 2000 में थोड़ा समय खातिर इ स्टार अलायन्स में शामिल होखले प विचार कईलस पर अंत में इ आपन स्वतंत्रता कायम रखलस।[12]

संदर्भ संपादन करीं

  1. GulfNews.com – Emirates and Dnata now under ICD Archived 2013-01-03 at archive.today
  2. http://www.emirates.com/media-centre/emirates-aircraft-cover-432-million-kilometres-across-the-globe-in-six-months
  3. "Emirates Airlines Flight Schedules". cleartrip.com. Retrieved 13 June 2017.
  4. "Emirates SkyCargo". The Emirates Group. Retrieved 26 August 2009.
  5. "आर्काइव कॉपी के बा" (PDF). Archived from the original (PDF) on 2016-07-05. Retrieved 2017-06-13.
  6. http://www.economist.com/blogs/gulliver/2015/06/worlds-largest-airlines
  7. "Emirates Announces 2009 Expansion Plan" (Press release). Emirates (airline). 18 February 2009. Retrieved 3 August 2010.
  8. UAEinteract.com (31 दिसंबर 2008). "Emirates and Dnata now under ICD UAE". Uaeinteract.com. Retrieved 15 July 2009.
  9. "Emirates and Dnata now under ICD". Gulfnews. Archived from the original on 3 January 2013. Retrieved 15 July 2009.
  10. "Dubai moves ownership of Emirates, Dnata to ICD – Transportation". ArabianBusiness.com. 31 दिसंबर 2008. Retrieved 15 July 2009.
  11. Rise of the Emirates Empire CNN Money, 1 October 2005
  12. Reece, Damian (13 August 2000). "Emirates poised to join Star Alliance". London: Telegrapg.co.uk. p. 11. Retrieved 16 October 2010.

External links संपादन करीं