बाल्टिक सागर
बाल्टिक सागर यूरोप के उत्तरी हिस्सा में एगो सागर बा जे अटलांटिक महासागर के यूरोप में घुसल एगो हिस्सा हवे।[1] ई लगभग चारो ओर से जमीन से घेराइल बा आ डेनमार्क आ स्कैंडीनेविया के बीच से होके अटलांटिक सागर से जुड़े ला। एकरा उत्तर में स्कैंडीनेविया प्रायदीप, उत्तर पूरुब में बोथनिया के खाड़ी, पूरुब में फिनलैंड आ फिनलैंड के खाड़ी, पूरुब आ दक्खिन-पूरुब में बाल्टिक देस (इस्टोनिया, लैटविया, लिथुआनिया, पोलैंड), दक्खिन में पोलैंड आ जर्मनी, आ पच्छिम में डेनमार्क बाड़ें।
बाल्टिक सागर के क्षेत्रीय सागर या बंद सागर या अधबंद सागर मानल जाला।[2] ई आ ब्रैकिश वाटर[नोट 1] वाला सागर हऽ।[1]
एकरे पूरबी किनारा के देस सभ के एही के नाँव पर बाल्टिक देस आ एह इलाका के बाल्टिक यूरोप भी कहल जाला। आर्टिफिशियल तरीका से नहर बना के ई सफेद सागर के साथे भी जोड़ल गइल बा। जर्मनी के प्रसिद्ध कील नहर एकरा के नार्थ सागर से जोड़े ले।
इहो देखल जाय संपादन करीं
नोट संपादन करीं
- ↑ ब्रैकिश वाटर के मतलब होला अइसन पानी के भंडार जे साफ या मीठा पानी के तुलना में नमकीन होखे बाकी ओतना नमकीन भा खारा न होखे जेतना समुंदरी पानी होला।
संदर्भ संपादन करीं
- ↑ 1.0 1.1 Pauline Snoeijs-Leijonmalm; Hendrik Schubert; Teresa Radziejewska (18 April 2017). Biological Oceanography of the Baltic Sea. Springer Science & Business Media. pp. 24–. ISBN 978-94-007-0668-2.
- ↑ Renate Platzöder; Philomène A. Verlaan (19 December 1996). The Baltic Sea: New Developments in National Policies and International Cooperation. Martinus Nijhoff Publishers. pp. 10–. ISBN 90-411-0357-0.
 | ई यूरोप-संबंधी लेख एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |
 | ई भूगोल-संबंधित लेख एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |