राष्ट्रीय जनता दल भारत के एगो राजनीतिक दल हटे जेकर स्थापना 1997 मे लालू प्रसाद यादव कइले रहीं। ई पार्टी 1997 से ले के 2005 ले बिहार मे सासन कइलस, जेहमे साल 2000 ले झारखंड बिहार से अलगा ना भइल रहे। 2005 मे दल बिधान सभा मे चुनाव हारि गइल आ 2015 ले बिहार के सत्ता से बहरा रहल, 2015 मे जनता दल यूनाइटेड से गठबंधन कर के फेर सत्ता में आइल बाकिर 2017 मे गठबंधन टूट गइल आ दल सत्ता से बहरी हो गइल। लोकसभा मे दल 2004 से 2014 ले सरकार मे रहल। अबहिन ई दल झारखंड के राज्य सरकार के गठबंधन के हिस्सा बिया।