अजूबा

अजूबा चाहे पथरचट्ट भा पथरचट्टा, कालान्चोए पिनाटा एगो गूदेदार पौधा (succulent) हवे जे मैडागास्कर के मूल पौधा हवे आ अब गरम इलाका सभ में बहुधा घरेलू पौधा के रूप में लगावल मिल जाला। ई ब्रायोफाइलम पौधा सभ में आवे ला जिनहन के पतई के किनारे से नया छोट-छोट पौधा जाम सके लें आ बाद में पुरहर पौधा बन जालें। एही कारन एकर नाँव अजूबा पडल हवे।

अजूबा के एगो पौधा

ई पौधा एक मीटर तक ले के ऊँच हो सके ला। गूदेदार होला, पेरिनियल पौधा हवे जेकर गूदेदार तना होला आ एह में साल के अधिकतर समय फूल फुलाइल मिल सके लें। एकर ब्यापक इलाका ले पहुँच एकरा बागबानी के कारन हवे।