इम्यून सिस्टम

गुण खातिर, इम्यूनिटी देखल जाय।

इम्यून सिस्टम (अंग्रेजी: Immune system) जीवधारी सभ के शरीर में मौजूद अइसन बिबिध बनावट आ प्रकृया सभ के सिस्टम हवे जे बाहरी हमलावर चीजन से शरीर के रक्षा करे ला आ बेमारी से बचाव करे ला। ई सिस्टम के ठीक से काम करे खातिर ई जरूरी होला कि ई बिबिध किसिम के रोगकारी सभ के पहिचान करे जिनहन में वाइरस, बैक्टीरिया आ अउरियो पैरासाइट सभ सामिल बाने, आ अपना खुद के शरीर के स्वस्थ टिशू सभ के चीन्ह के उनहन के अंगीकार करे उनहन से न लड़े।