उत्तर प्रदेश के जलवायु

उत्तर प्रदेश के जलवायु, मुख्य रूप से नम उपोष्ण कटिबंधी जलवायु (Cwa) प्रकार के हवे जहाँ कुछ इलाका सभ में कुछ-सूखा वाली जलवायु (BS) पावल जाले। हालाँकि, कुछ लोग जनरल रूप से पूरा भारत के जलवायु के उष्णकटिबंधी मानसूनी जलवायु माने ला; एह हिसाब से उत्तरो प्रदेश के जलवायु के इहे मानल जा सके ला। जाड़ा, गर्मी, बरसात आ शरद रितु के चार गो सीजन होलें। अधिकतर बरखा मानसून के सीजन में होला जेकरा के बरसात के सीजन कहल जाला। बरखा के मात्रा आमतौर पर पूरुब से पछिम जाए पार घटत जाले। साल भर में तापमान के स्थिति बहुत बेसी बदलाव वाली होला जे 0 °C से 50 °C के बीचा में कुछऊ हो सके ला।