एकादसी

एकादसी भा एकदसी (संस्कृत: एकादशी) हिंदू पतरा के अनुसार इगारहवीं तिथी हऽ। ई महीना में दू बेर आवे ले अन्हार पाख के एकादशी आ अँजोर पाख के एकादशी। इनहन के क्रम से कृष्णा एकादशी आ शुक्ला एकादशी भी कहल जाला। एकरे अलावा हर महीना के दुनों एकादसी सब के अलग-अलग नाँव भी धइल गइल बा जे परंपरागत हिंदू धार्मिक मान्यता आ कथा कहानी से जुड़ल नाँव हवें। इनहन में से कुछ के खास महत्व आ कथा हवे।

हिंदू आ जैन धर्म में एह तिथि के पबित्र तिथि मानल जाला आ बहुधा लोग बरत-उपास करे ला (भुक्खे ला)। हिंदू धर्म में ई भगवान् बिष्णु के दिन भी मानल जाला।