एकेडमिक जर्नल
एकेडमिक जर्नल (अंग्रेजी: academic journal) चाहे बिद्वत्तापूर्ण जर्नल (अंग्रेजी: scholarly journal) अइसन जर्नल भा पीरियॉडिकल (निश्चित समय के आँतर पर छपे वाला प्रकाशन) होलें जिनहन में कौनों अकेडमिक बिसय भा ज्ञान के शाखा के बिद्वात्तापूर्ण लेख, रिसर्च-पेपर आ रिव्यू छपे लें। ई जर्नल साधारण तौर पर पियर-रिव्यू जर्नल होखे लें जिनहन के रेफ्रीड जर्नल भी कहल जाला।[1]
ज्ञान के शाखा के सोभाव के हिसाब से एह जर्नल सभ के रूप आ फंक्शन अलग हो सके लें; बैज्ञानिक जर्नल आ सामाजिक भा कला के बिसय के जर्नल सभ में कुछ अंतर हो सके ला; ई लेख अकेडमिक जर्नल सभ के आम साधारण लच्छन सभ के बारे में बाटे। एह तरह जर्नल सभ के सामग्री के रूप में छपे वाला लेख मौलिक रिसर्च, रिव्यू लेख, आ किताब के रिव्यू होखे ला।
दुनियाँ के पहिला अकेडमिक जर्नल, जर्नल दे सावंस (Journal des sçavans) के मानल जाला जे जनवरी 1665 में छपल। एकरे ठीक बाद फिलोसोफिकल ट्रांजेक्शंस ऑफ़ दि रॉयल सोसाइटी (मार्च 1665), आ मेमोइयर्स दे ल'अकेडमी दे साइंसेस़ (Mémoires de l'Académie des Sciences) (1666) छपे शुरू भइलें। पूरा तरीका से पहिला पियर-रिव्यू जर्नल मेडिकल एस्सेस़ एंड ओब्ज़र्वेशंस (1733) रहल।[2]
संदर्भ
संपादन करीं- ↑ Gary Blake; Robert W. Bly (1993). The Elements of Technical Writing. Macmillan Publishers. p. 113. ISBN 978-0-02-013085-7.
- ↑ Mudrak, Ben. "Scholarly Publishing: A Brief History". American Journal Experts. Retrieved 2018-06-18.
बाहरी कड़ी
संपादन करीं| विकिमीडिया कॉमंस पर संबंधित मीडिया Academic journals पर मौजूद बा। |
 | ई साहित्य-संबंधी लेख एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |