करवा चौथ

करवा चौथ (संस्कृत: करक चतुर्थी) एगो हिंदू तेहवार ह जे पच्छिमी आ उत्तरी भारत में औरत लोग अपना पति खातिर बरत राख के आ पूजा क के मनावे ला। ई कातिक महीना के अन्हरिया पाख के चउथ तिथी के मनावल जाला। औरत लोग एह दौरान सुरुज उगे से ले के चंद्रमा के उगे तक ले निर्जला ब्रत रहे ला आ साँझ बेर चंद्रमा के पूजा क के, कथा बाँच के आ चंद्रमा के दर्शन क के ब्रत तूरे ला।

करवा चौथ
तिहुआर के रिवाज अनुसार चलनी से चान देखत औरत लोग
अन्य नाँव	करवा चउथ, करकचतुर्थी
मनावे वाला	एह्वातिन औरत लोग, कबो काल्ह बिना बियहलो लड़िकी लोगन द्वारा
प्रकार	हिंदू धर्म
मनावे के तरीका	पूजा
Observances	एहवाती औरतन द्वारा निर्जला ब्रत, कथा आ पूजा
समय	मास (महिन्ना) (अमांत) / मास (महिन्ना) (पूर्णिमांत), पक्ष (पाख), तिथि (तिथी)
2023 तारीख	1 नवंबर (बुध)

ई तिहुआर, बाकी बहुत सारा हिंदू तिहुआर सभ मतिन, चंद्र-सुरुज आधारित कलेंडर के तिथि के हिसाब से पड़े ला। कातिक महीना के अन्हार पाख के चउथ तिथि के मनावल जाला जे अंग्रेजी कलेंडर के हिसाब से घसकत रहे ला आ आमतौर प अक्टूबर चाहे नवंबर के महिन्ना में पड़े ला।