कैलवेरी

गोलगोथा चाहे कैलवेरी येरुशलम में ऊ अस्थान हवे जहाँ ईसाई कथा सभ (गौसेपल) के मुताबिक़ ईसा मसीह के सूली चढ़ावल गइल रहे। बतावल जाला कि ओह समय के येरुशलम के देवाल के बहरें एगो ऊँच टेकरी पर यीशु के सूली दिहल गइल। एह अस्थान के वर्तमान पहिचान 'द चर्च आफ़ द होली सेपल्कर' के भीतर चिन्हित जगह के रूप में कइल जाला। ईसाई लोग खातिर ई पबित्र अस्थान हवे आ बहुत सारा लोग इहाँ जातरा करे ला आ एह चर्च में आ के प्रार्थाना करे ला आ माफ़ी माँगे ला।

गोलगोथा के परंपरागत चिन्हित जगह; 'द चर्च आफ़ द होली सेपल्कर' के भीतर।

कुछ बिद्वान लोग एह अस्थान के पहिचान परंपरागत रूप से मानल जाए वाली जगह आ चर्च से अलग हट के भी बतावे ला।