प्रादेशिक भूगोल
प्रादेशिक भूगोल (अंग्रेज़ी: Regional Geography) भूगोल क एगो प्रमुख शाखा हउवे। प्रादेशिक भूगोल में पृथिवी के प्रदेश सभ में बाँटल जाला आ एही प्रदेश सभ के अध्ययन के इकाई मान के उनहन के अध्ययन कइल जाला आ बिबरन प्रस्तुत कइल जाला।[1] एह में पृथिवी के कौनों इलाका (लैंड्स & लैंडस्केप्स) में पावल जाए वाले सांस्कृतिक आ प्राकृतिक भूगोलीय तत्वन (जियोफैक्टर्स) के आपसी अंतर्क्रिया क अध्ययन होला। प्रादेशिक भूगोल के बिपरीत सिस्टमेटिक या क्रमबद्ध एप्रोच भूगोल के अध्ययन के अइसन तरीका बाटे जवना में कौनों भूगोलीय तत्व के पुरा दुनिया में वितरण आ वितरण के पैटर्न के अध्ययन होला।
बेसिक कांसेप्ट
संपादन करींइतिहास
संपादन करींप्रादेशिक भूगोल के क्षेत्र में अध्ययन करे वाला चाहे अपना भूगोलीय अध्ययन में प्रादेशिक भूगोल के एप्रोच अपनावे वाला भूगोलवेत्ता लोगन के लमहर इतिहास रहल बा। ई लगभग ओतने पुरान हवे जेतना खुद भूगोल एगो अध्ययन के शाखा के रूप में बा। पृथिवी के अलग-अलग हिस्सन के रूप में पहिचान करे आ उनहन के बिसेसता बतावे चाहे उनहना के बिसेसता के अध्ययन करे के इतिहास पुरान बा; भले प्रादेशिक भूगोल के रूप में एह शाखा के नाँव आ उदभव बाद में आइल।
6वीं से 3सरी सदी ईपू. में यूनानी भूगोलवेत्ता लोग अलग-अलग जगहन के भूगोल के वर्णन करत रहे। हिकैटियस आपन किताब जेस पीरियोड्स के दू खंड में लिखलें जेह में से एगो में यूरोप के इलाका सभ के बरनन रहे आ दुसरहा में एशिया के इलाका सभ के।
भूगोल के क्लासिकल पीरियड में अलेक्जेंडर फॉन हम्बोल्ट सिस्टमेटिक भूगोल के अस्थापना कइलें आ कार्ल रिटर प्रादेशिक भूगोल के ढेर महत्व दिहलें।[2]
हालाँकि, बाद समय में, ख़ास प्रादेशिके भूगोल के क्षेत्र में काम करे वाला आ एह बिचारधारा आ एप्रोच के आगे बढ़ावे वाला लोगन में हेटनर के नाव प्रमुख बा जे भूगोल के 'कोरोलॉजी' के रूप में परिभाषित कइलें। विडाल डी ला ब्लाश, एगो संभववादी भूगोलवेत्ता रहलें जे 'पे'ज' (pays) के कांसेप्ट दिहलें आ छोट-छोट प्रदेशन में बाँट के फ़्रांस के इलाका सभ के बरनन कइलें। इनकर शारे-दी-वी के कांसेप्ट एक किसिम के प्रादेशिके भूगोल रहल।
अमेरिका के भूगोलवेत्ता सभ में रिचार्ड हार्टशोर्न के नाँव सभसे प्रमुख बा जे दुसरा बिस्व जुद्ध के जमाना में 'एरियल डिफरेंसियेशन' के कांसेप्ट दिहलें आ प्रादेशिक भूगोल के प्रमुख वकालत करे वाला लोगन में रहलें। कार्ल ओ. सॉअर, 'कल्चरल लैंडस्केप' के अध्ययन के पुरोधा, के एक किसिम के प्रादेशिके भूगोलवेत्ता मानल जाला जे ब्लाश, हेटनर आ हार्टशोर्न से बहुत परभावित रहलें।
प्रमुख भूगोलवेत्ता
संपादन करींइहो देखल जाय
संपादन करींफुटनोट आ संदर्भ
संपादन करीं- ↑ मामोरिया, चतुर्भुज; गर्ग, एच. एस. (19 अक्टूबर 2021). भूगोल (हिंदी में). SBPD Publicatins. Retrieved 21 दिसंबर 2021.
- ↑ "geography - Geography's early research agenda in Europe | Britannica". britannica.com (अंग्रेजी में). Retrieved 8 दिसंबर 2021.
स्रोत ग्रंथ
संपादन करीं- Entrikin, J. Nicholas (15 मई 2017). Regions: Critical Essays in Human Geography (अंग्रेजी में). Routledge. ISBN 978-1-351-90541-1. Retrieved 8 दिसंबर 2021.
- Minshull, Roger (5 जुलाई 2017). Regional Geography: Theory and Practice (अंग्रेजी में). Routledge. ISBN 978-1-351-49407-6. Retrieved 8 दिसंबर 2021.
- Jones, Martin; Paasi, Anssi (2 अक्टूबर 2017). Regional Worlds: Advancing the Geography of Regions (अंग्रेजी में). Routledge. ISBN 978-1-317-52657-5. Retrieved 8 दिसंबर 2021.
बाहरी कड़ी
संपादन करीं- Systematic Geography - W. M. Davis, Proceedings of the American Philosophical Society, Vol. 41, No. 170 (Apr., 1902), pp. 235-259, JSTOR पर।
- "Regional Geography - an overview | ScienceDirect Topics". sciencedirect.com. Retrieved 8 दिसंबर 2021.
 | ई भूगोल-संबंधित लेख एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |
 | ई लेख भूगोल शब्दावली की बारे में एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |