ग़ालिब
मिर्ज़ा अ़सदुल्लाह् बेग़ ख़ान (27 दिसंबर 1797 – 15 फरवरी 1869) जिनके मिर्ज़ा ग़ालिब भा ग़ालिब के नाँव से ढेर जानल जाला, उर्दू आ फ़ारसी भाषा के भारतीय शायर रहलें, मुगल काल के अंतिम दौर के कुछ प्रमुख शायर लोग में से एक रहलें आ अभिन तक इनके शायरी के उर्दू साहित्य में प्रमुख अस्थान बा। वर्तमान समय में भी इनके शायरी पढ़ल आ कोट कइल जाले।[1][2][3] ग़ालिब (غاؔلِب - मने कि "सभ पर हावी") इनकर उपनाँव भा कलमनाँव रहल आ एकरे अलावा ई अपना शायरी में आपन मूल नाँव असद (मने कि "शेर") भी इस्तमाल भी करें। इनके दबीर-उल-मुल्क़ आ नज़्म-उद-दौला के दरबारी उपाधि दिहल गइल रहे। ई अंतिम मुग़ल बादशाह बहादुर शाह ज़फ़र के समकालीन रहलें आ इनके जिनगिये में मुग़ल लोग के सत्ता के अंत भइल आ दिल्ली में अंग्रेजी राज कायम भइल। इनके मुगल काल के अंतिम महान शायर भी मानल जाला आ इनके कबिता वर्तमान भारते-पाकिस्तान में ना बलुक पूरा दुनिया में जहाँ भी हिंदुस्तानी मूल के लोग बा ओहिजा पापुलर बा। शायरी में, इनके ग़ज़ल प्रमुख रूप से तारीफ़ के बिसय बाड़ी आ इनहन के संकलन दीवान-ए-ग़ालिब के नाँव से उपलब्ध बा जबकि शायरी के अलावा इनके लिखल चिट्ठी-पतरी सभ, जे ख़तूते-ग़ालिब के नाँव से छपल बा, साहित्य में एगो महत्व के चीज मानल जाला। इनके जीवन पर फिलिम आ टीवी सीरियल के निर्माण भी भइल।
मिर्ज़ा ग़ालिब दबीर-उल-मुल्क़, नज्म-उद-दौला, मिर्जा नौशा | |
|---|---|
 | |
| जनम | 27 दिसंबर 1797 आगरा, मुगल राज |
| निधन | 15 फरवरी 1869 (उमिर 71) दिल्ली |
| लेखन उपनाँव | ग़ालिब |
| पेशा | शायर |
| राष्ट्रियता | भारतीय |
| समय | मुगल राज, ब्रिटिश राज |
| बिधा | ग़ज़ल, क़सीदा, रुबाई, क़त'आ़ |
| बिसय | प्रेम, दर्शन, रहस्यवाद |
| Parents |
|
संदर्भ
संपादन करीं- ↑ "10 famous Ghalib sayings that can still cut through the coldest of winters" (अंग्रेजी में). Indiatoday.in. 2016-12-27. Retrieved 2018-03-17.
- ↑ "Mirza Ghalib: Today's Google Doodle remembers Mirza Ghalib on his 220th birthday | India News - Times of India". Timesofindia.indiatimes.com. 2017-12-27. Retrieved 2018-03-17.
- ↑ "Google remembers iconic poet Mirza Ghalib on his 220th birthday". The New Indian Express. Retrieved 2018-03-17.
बाहरी कड़ी
संपादन करीं- ग़ालिब के अनसुने और मज़ेदार क़िस्से, हिमांशु जोशी के ब्लॉग, बीबीसी हिंदी प। (हिंदी में)
 | ई लेख केहू कबी की बारे में एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |