चट्टानी नून

चट्टानी नून (अंग्रेजी: Rock salt), जेकरा टेक्निकल भाषा में हैलाइट (अंग्रेजी: Halite) कहल जाला, एक किसिम के नून हवे। ई सोडियम क्लोराइड के प्राकृतिक खनिज रूप हवे। ई खनिज रोरा चाहे रवा के रूप में मिले ला आ एह रवा (क्रिस्टल) सभ के आकृति घन (क्यूब) के नियर होखे ले जिनहन के आइसोमीट्रिक क्रिस्टल कहल जाला। आमतौर पर ई नमक उज्जर रंग के चाहे बिना कौनों रंग के होखे ला; हालाँकि, एह में अगर अउरी कौनों दूसर खनिज चाहे अशुद्धता मिलल होखे तब एकर रंग हल्का नीला, हल्का पीयर, गुलाबी, बैंगनी, ललछाहूँ चाहे सलेटी हो सके ला। एकर रंग रवा के संरचना पर भी निर्भर करे ला।

Halite
Halite from the Wieliczka salt mine, Małopolskie, Poland
जनरल जानकारी
श्रेणी	Halide mineral
फार्मूला (रिपीट होखे वाला इकाई)	NaCl
स्त्रूंज बर्गीकरण	3.AA.20
क्रिस्टल सिस्टम	Cubic
क्रिस्टल क्लास	Hexoctahedral (m3m) H-M symbol: (4/m 3 2/m)
स्पेस समूह	Fm3m
इकाई सेल	a = 5.6404(1) Å; Z = 4
Identification
Formula mass	58.433 g/mol
Color	Colorless or white (Depends on isotopes and purity for various colours)
Crystal habit	Predominantly cubes and in massive sedimentary beds, but also granular, fibrous and compact
Cleavage	Perfect {001}, three directions cubic
Fracture	Conchoidal
Tenacity	Brittle
मोहो पैमाना hardness	2.0–2.5
Luster	Vitreous
Streak	White
Diaphaneity	Transparent
बिसेसक घनत्व	2.17
ऑप्टिकल लच्छन	Isotropic
रिफ्रेक्टिव इंडेक्स	n = 1.544
पघिलाव बिंदु	800.7°C
घुलाव	Water-soluble
अन्य बिसेसता	Salty flavor, fluorescent
संदर्भ

आमतौर पर ई चट्टान सभ के बीचा में अउरी इवैपोराइट खनिज सभ (हैलाइड, बोरेट आ सल्फेट) के संघे पावल जाला। एकर हैलाईट नाँव प्राचीन यूनानी भाषा के हैला से हवे जेकर मतलब नून होला। भारत के कुछ हिस्सा आ पाकिस्तान के हिमालय के निचला हिस्सा सभ में ई नून चट्टान खन के निकालल जाला आ एकरा के हिमालयी चट्टानी नून चाहे आम भाषा में सेन्हा नून (सेंधा नमक) कहल जाला। एह इलाका में एही से भट्ठा में तपा के काला नमक बनावल जाला।