चर्च (बिल्डिंग)

चर्च शब्द के संस्था के अरथ में भी इस्तमाल होला, एकरा खातिर, चर्च (संस्था) देखल जाय।

चर्च भा गिरजाघर ईसाई धर्म के माने वाला लोग के प्रार्थना के बिल्डिंग ह। इहाँ ईसाई लोग अपना धार्मिक अनुष्ठान खातिर एकट्ठा होला, खासतौर से प्रार्थना करे। अतवार के सामूहिक प्रार्थना खातिर या फिर केहू अकेले भी जा के प्रार्थना क सके ला।

स्लोवाकिया के गो चर्च, यूरोप के देहाती चर्च के उदाहरण

परंपरागत रूप से चर्च के बिल्डिंग के निर्माण ईसाई क्रास के रूप में होला। मीनार स्वर्ग के ओर इशारा करे के तरीका के रूप में बनावल जाले। आधुनिक समय में चर्च के बिल्डिंग कई तरह के आर्किटेक्चर के शैली में बनल बाड़ी। कई चर्च सभ के बिल्डिंग अइसन भी बा जे पहिले चर्च खातिर ना बनल रहल बाकिर अब चर्च के रूप में इस्तेमाल हो रहल बा आ एकरे उल्टा कई गो अइसन बिल्डिंग भी बाड़ी जिनहन के चर्च खातिर बनावल गइल रहे आ अब कवनों दूसर इस्तेमाल (जइसे कि म्यूजियम खातिर) हो रहल बा।

अइसन चर्च जहाँ बिशप के सीट होखे, कैथेड्रल कहल जाला।