जेट कनेक्ट ऑकलैंड, न्यूजीलैंड में स्थित क्वांटास क एगो पूर्ण स्वामित्व वाली सहायक विमान सेवा कंपनी ह। जुलाई 2002 में स्थापित कइल गइल और ओही साल अक्टूबर में एकर परिचालन शुरू भइल। क्वांटास ब्रांड की तहत न्यूजीलैंड और ऑस्ट्रेलिया की बीच में ट्रांस-टैस्मान सेवा चलावेले। एमें न्यूजीलैंड क चालक दल क नियुक्ति कइल गइल बा और इ न्यूजीलैंड में पंजीकृत विमानन क संचालन करेला। न्यूजीलैंड की भीतरो घरेलू स्तर पर सेवा संचालन कइलस जबले की इ सेवा 10 जून 2009 के जेटस्टार एयरवेज की द्वारा टेक ओवर नहीं करा गइल, इ क्वांटास क एगो और सहायक कम्पनी ह जवने क मुख्य आधार ऑकलैंड हवाई अड्डा ह।

जेट कनेक्ट अपनी लंबी दूरी की सेवा खातिर ऑस्ट्रेलिया से क्वांटास की मेनलाइन लंबी दूरी की सेवा पर कार्यरत चालक दल क नियुक्ति कइले बा। चालक दल ऑकलैंड क ह।

गंतव्य स्थान संपादन करीं

अन्तर्राष्ट्रीय कम दूरी क सेवा संपादन करीं

जेट कनेक्ट ऑस्ट्रेलियाई पूर्वी तट स्थल की तरफ ऑकलैंड, क्राइस्टचर्च, क्वीन्सटाउन और वेलिंगटन से क्वांटास क चले वाली लगभग सब उड़ान संचालित करेले। जेट कनेक्ट वर्तमान में निम्नलिखित उड़ान संचालित करेला:[1]

  • ऑकलैंड से
    • ब्रिस्बेन
    • मेलबोर्न
    • सिडनी
  • वेलिंगटन से
    • मेलबोर्न
    • सिडनी
  • क्राइस्टचर्च से
    • सिडनी
  • क्वीन्सटाउन से
    • सिडनी

जेट कनेक्ट द्वारा संचालित उड़ान की अलावा, क्वांटास मौसम की अनुसार मुख्य धारा क उड़ान सेवा ऑकलैंड से पर्थ, क्वीन्सटाउन से ब्रिस्बेन और क्वीन्सटाउन से मेलबोर्न तथा ब्रिस्बेन से वेलिंगटन और क्राइस्टचर्च खातिर संचालित करेले।

घरेलु उड़ान सेवा संपादन करीं

जेट कनेक्ट 9 जून 2009 ले न्यूजीलैंड में घरेलू उड़ानन क संचालन कइलस। एइजा एकर अंतिम घरेलू सेवा QF2728 वेलिंगटन से ऑकलैंड खातिर 737-300 ZK-JNC द्वारा संचालित कइल गइल रहे। घरेलू सेवा में ऑकलैंड, वेलिंगटन, रोटोरुआ, क्राइस्टचर्च और क्वीन्सटाउन की बीच की रस्तन के शामिल कइल गइल रहे।[2] ऑकलैंड, क्राइस्टचर्च, क्वीन्सटाउन और वेलिंगटन की बीच की सेवा के बाद में जेटस्टार की सेवा से बदलाव कइल गइल। रोटोरुआ खातिर सेवा बंद करा गइल।[3]

बेड़ा संपादन करीं

जेट कनेक्ट न्यूजीलैंड में पंजीकृत आठगो बोइंग 737-800 क एक बेड़ा क्वांटास की बैनर की तहत संचालित करेले।[4] सब जेट कनेक्ट विमान में यात्री लोगन खातिर उनकी सीट पर मनोरंजन क सुविधा उपलब्ध करावे खातिर एवीओडी (ऑडियो-विजुअल ऑन डिमांड) स्थापित कइल गइल बा।[5][6]

औद्योगिक संबंध संपादन करीं

17 मई 2006 के ऑस्ट्रेलियाई क्वांटास क पायलटन क प्रतिनिधित्व करे वाला संघ, ऑस्ट्रेलिया एंड इंटरनेशनल पायलट एसोसिएशन (AIPA), ऑस्ट्रेलियन इंडस्ट्रीयल रिलेशनस कमीशन फेयर वर्क ऑस्ट्रेलिया के, संघ में जेट कनेक्ट पायलटन के नामांकन क सुविधा देवे खातिर आपन पात्रता क नियमन में बदलाव की माँग वाला एगो अर्जी दिहलस। 23 मई 2007 के कमीशन संघ की खिलाफ फैसला सुनवलस, न्यूजीलैंड आधारित जेट कनेक्ट की पायलटन के AIPA में भर्ती के अनुचित ठहरवलस, ए वजह की साथ की उ पहिलहीं से न्यूजीलैंड एयरलाइन पायलट एसोसिएशन क सदस्य बनले क पात्र बान स।[7]

दिसंबर 2009 में AIPA जेट कनेक्ट की पैरेंट कम्पनी क्वांटास क शिकायत फेयर वर्क ऑस्ट्रेलिया की सामने ले गइल, आरोप लगवलस की कम्पनी जान-बूझके कम मेहनताना देके आ कईगो शर्त भंग क के ऑस्ट्रेलियाई फेयर वर्क अधिनियम की मूल भावना की खिलाफ काम करतिया। AIPA क्वांटास प जेट कनेक्ट पायलटन के क्वांटास पायलटन से 40 प्रतिशत कम भुगतान कइले क आरोप लगवलस। ए मामला में क्वांटास के भरोसा रहे की उ केस जीत लेई काहें की “इ सब न्यूजीलैंड क पायलट रहन स जवन न्यूजीलैंड-पंजीकृत विमान, न्यूजीलैंड की संस्था द्वारा संचालित विमानन क संचालन करें स। सितम्बर, 2011 में ए मामला के फेयर वर्क ऑस्ट्रेलिया द्वारा AIPA क अर्जी खारिज करा गइल।

संदर्भ संपादन करीं

  1. http://www.qantas.com.au/flightinfo/qf_pdfTimetable.pdf
  2. क्वांटास फैक्ट फाइल. जेटकनेक्ट जानकारी पेज 5 पर है, NZ घरेलू मार्ग की जानकारी पृष्ठ 34 पर है. तारीख : 18 November 2008.
  3. ब्रेडले, ग्रांट (17 फरवरी 2009). "जेटस्टार न्यूजीलैंड की पहली फिल्म के लिए $ 1 किराये की पेशकश". न्यू ज़ीलैण्ड हेराल्ड.
  4. "जेट कनेक्ट एयरलाइंस". क्लियरट्रिप.कॉम. Archived from the original on 13 December 2013. Retrieved 29 September 2016.
  5. जेट कनेक्ट बोइंग 737-400s की न्यूजीलैंड CAA सूची Archived 2009-08-08 at the Wayback Machine तारीख 3 November 2011.
  6. जेट कनेक्ट बोइंग 737-800s की न्यूजीलैंड CAA सूची Archived 2011-07-16 at the Wayback Machine तारीख 3 November 2011.
  7. ऑस्ट्रेलियाई औद्योगिक संबंध आयोग (23 मई 2007). "ऑस्ट्रेलियाई और अंतरराष्ट्रीय पायलट एसोसिएशन द्वारा आवेदन (D2006 / 58) - s.158 (1) रेडियो अनुसूची - पात्रता नियमों के परिवर्तन के लिए आवेदन". airc.gov.au. Archived from the original on 16 July 2012. Retrieved 20 August 2011.