जॉगिंग (Jogging) धीरे-धीरे दउरल होला जेकर मकसद शरीर के कसरत होखे ला। ई तेजी से दउरे से अलग होला काहें कि एकरा से शरीर पर जोर ना परे ला आ अदमी इत्मीनान से दुलकिया चाल से चले से थोरिके तेज दउरे ला। एगो परिभाषा के मोताबिक 6 मील प्रति घंटा (10 किमी/घंटा) से धीरे दउरल जॉगिंग कहाला।

जॉगिंग करत एगो औरत

शब्द अंगरेजी भाषा के हवे, हालाँकि, एकर मूल उतपत्ती के बारे में मालुम ना बा।

आमतौर पर सबेरे भा साँझ बेरा जॉगिंग कइल जाला आ ई कुछ सभसे चलनसार कसरत सभ में से एक बा। तेज धावक लोग मुख्य दौड़ से पहिले वार्म-अप खाती भा दौड़ के बाद समापन के बाद शरीर के आराम देवे खातिर भी जॉगिंग करे ला।

संदर्भसंपादन