पर्माफ्रॉस्ट चाहे पर्माफ्रास्ट (अंग्रेजी: permafrost) अइसन जमीन चाहे जमीन के भीतरी हिस्सा (लेयर) हऽ जहाँ माटीपानी मिल के बहुत कम तापमान के चलते जम के कड़ेर पाथर नियर हो गइल होखे; ध्रुव वाला इलाका आ परमानेंट बरफ वाला इलाका में अइसन जमीनी रूप पावल जालें। एकरे अलावा एह इलाका के आसपास के हिस्सा, चाहे अइसन लेयर के ऊपरी हिस्सा साल में गर्मी आ जाड़ा के आवाजाही अनुसार पघिलत आ जमत रहे ला। पेरीग्लेशियल भूबिज्ञान में एह ऊपरी लेयर के एक्टिव ग्राउंड कहल जाला आ एकरे नीचे सालो भर, हजारन साल ले, जमल जमीनी हिस्सा (लेयर) के परमाफ्रॉस्ट के नाँव से जानल जाला।

कैप्शन देखीं
माटी के धंसक के हट जाए से बाहर देखलाई परे वाला परमाफ्रॉस्ट के लेंस।

शब्द के परमानेंट फ्रोजेन ग्राउंड यानी "हमेशा जमल रहे वाली जमीन" के शार्ट फ़ार्म के रूप में गढ़ल गइल रहे आ अब भूबिज्ञानभूआकृतिबिज्ञान में एकर ब्यापक प्रयोग होखे ला। अइसन जमीन आ एह पर स्थाई निर्माण करे के काम खातिर रूस में मुख्य रूप से रिसर्च भइल रहे। एह किसिम के जमीन पर निर्माण खातिर एगो अलगे किसिम के खास इंजीनियरी बिकसित भइल।

भूआकृतिबिज्ञान में अइसन जगह सभ के बिसेस अध्ययन होला आ एह तरह के परमानेंट जमल रहे वाला इलाका में लंबा समय में ऊपरी लेयर पर बने वाला थलरूप सभ के भी अलगे किसिम के महत्व बा। ई थलरूप सभ एकदम अलग किसिम के प्रक्रिया द्वारा बने लें।

संदर्भ संपादन करीं