नक्शा के पैमाना (अंग्रेजी: Scale) नक्शा पर के दूरी आ ओही के संगत जमीनी दूरी के बीचा के अनुपात (रेशियो) होला। मने कि आदर्श रूप से बनल नक्शा पर अगर कौनों दू गो बिंदु के बीचा के दूरी नापल जाय आ ऊ दुनों बिंदु धरती के सतह पर के जवना बिंदु के नक्शा पर देखावत बाड़ें ओह जमीनी बिंदु सभ के बीचा के दूरी नापल जाय तब इनहना के बीचा के अनुपात पैमाना होखी।

मामिला पृथ्वी के गोलाई के कारण जटिल हो जाला। सभसे आसान नक्शा बनावे में भी अगर पृथ्वी के गोलाई के धियान रखल जाल तब एगो अइसन ग्लोब परिभाषित करे के पड़े ला जे पृथ्वी के एगो ख़ास अनुपात में छोट रूप होखे। ई अनुपात के पैमाना के तौर पर मानल जाला। एकरे बाद प्रोजेक्शन के टेकनीक से ओह परिभाषित ग्लोब के ट्रांसफार्म क के समतल सतह पर नक्शा के निर्माण होखे ला। अउरी जटिलता बढ़े ले जब पृथ्वी के एकदम गोल न मान के कुछ चापट गोला के परिभाषित कइल जाला। ई एलिप्सॉइड के समतल सतह पर ट्रांसफार्म कइल जाला।

निरूपण संपादन करीं

 
नक्शा पर बनल ग्राफिकल पैमाना करिया सफेद लाइन के रूप में टुकड़ा आ बाएँ किनारा से दूरी के जमीनी दूरी के रूप में लिखल गइल बा।
  • सिंपल स्केल चाहे स्टेटमेंट स्केल: जब पैमाना के सीधे-सीधे वाक्य के रूप में कह के बता दिहल जाय:
उदाहरण: 1 इंच = 16 मील
  • आरएफ (RF): जब एकरा के भिन्न के रूप में या अनुपात के रूप में लिखल जाय:
उदाहरन: RF = 1:50,000 या 1/50000
  • ग्राफिकल चाहे बार स्केल: जब नक्शा पर ड्राइंग द्वारा एगो लाइन के कई टुकड़ा में बाँट के हर टुकड़ा जमीनी केतना दूरी के देखावत बा ई सीधे बना के देखा दिहल जाय (चित्र देखीं)।

संदर्भ संपादन करीं