बाबा धाम

बाबा बैद्यनाथ धाम, जे बैजनाथ धाम भा बाबा धाम के नाम से मशहूर बा, भारतीय राज्य झारखंड के संथाल परगना मंडल में देवघर में एगो हिंदू मंदिर बाटे। ई भगवान शिवजी के मंदिर हवे आ पुराणिक बिबरन अनुसार बारह गो ज्योतिर्लिंग सभ में एकर गिनती होला। बाबा धाम के नाँव से परसिद्ध एह मंदिर मंडली में मुख्य मंदिर बाबा बैजनाथ के बा आ एकरे अलावा अउरी एकइस गो मंदिर बाने।

बाबा बैद्यनाथ मंदिर
मुख्य मंदिर आ आसपास के छोट मंदिर सभ
झारखंड में लोकेशन
बेसिक जानकारी
अक्षांस-देशांतर	24°29′33″N 86°42′00″E
देवता	बाबा बैद्यनाथ (शिव)
तिहुआर	शिवरात, श्रावणी मेला (सावन)
राज्य	झारखंड
देस	भारत
वेबसाइट	www.babadham.org
मंदिर सभ	22

हिंदू कथा सभ के मोताबिक रावण शंकर जी के खुस करे खातिर आ बरदान पावे खातिर लमहर तपस्या के बाद आपन दसो मूँड़ी काटि के चढ़ा दिहलें जेकरा बाद शंकर जी प्रगट भइलें आ खुस हो के उनके वापिस जिया दिहलें। शिव जी एगो बैद के रूप में रावण के मूँड़ी जोड़लें, एही कारन उनके एह रूप के बैद्यनाथ कहल जाला।

हर साल सावन के महीना में इहाँ सावनी मेला लागे ला आ काँवरिया लोग गंगा जी से जल ले के पैदल जतरा क के इहाँ आ के मंदिर में जल चढ़ावे ला।