मुख्य मेनू खोलीं

भारतीय रुपिया (चीन्हा: ; कोड: INR), भारत गणतंत्र के ऑफिशियल करेंसी हवे। एक रुपिया के 100 पइसा में बाँटल जाला, हालाँकि, 25 पइसा या एकरा से कम कीमत के पइसा वाला सिक्का साल 2011 के बाद से अब लीगल टेंडर नइखे रह गइल। एह करेंसी के नियंत्रण भारतीय रिजर्व बैंक करे ला।[3] रिजर्व बैंक ऑफ इंडिया एक्ट, 1934 से रिजर्व बैंक के भारतीय करेंसी के नियंत्रण आ ब्यवस्थापन के अधिकार मिलल हवे। एकर नाँव "रुपिया" सुल्तान शेर शाह सूरी के जारी कइल चानी के सिक्का, जवना के रुपिया कहल जाव, के नाँव पर पड़ल हवे।

भारतीय रुपिया
ISO 4217
कोड INR
नंबर 356
घातांक 2
डिनॉमिनेशन
छोट इकाई
 1/100 पइसा
चीन्हा
पइसा p
बैंकनोट
 ढेर चलन में 10, 20, 50, 100, 500, 2000
 कम चलन में 1, 2, 5
सिक्का
 ढेर चलन में 1, 2, 5, 10
 कम चलन में 50प
जनसंख्या आँकड़ा
ऑफिशियल इस्तेमाल  भारत
गैर-ऑफिशियल  भूटान[टीप 1]
 नेपाल[टीप 2]
 जिम्बाब्वे[टीप 3][1]
ढलाई/छपाई
सेंट्रल बैंक भारतीय रिजर्व बैंक
छापे वाला भारतीय रिजर्व बैंक
 वेबसाइट www.rbi.org.in
टकसाल भारत सरकार टकसाल
 वेबसाइट www.spmcil.com
कीमत
इनफ्लेशन 4.9%, 2015-16
 स्रोत RBI - Annual Inflation Report
 तरीका CPI[2]
समकक्ष भूटानी न्गुल्त्रम (बरोबर)
नेपाली रुपिया (1 INR = 1.6 NPR)

साल 2010 में, एक ठो नया चीन्हा आधिकारिक तौर पर अंगीकार कइल गइल। ई चीन्हा देवनागरी लिपि के "" अक्षर आ रोमन "R" (आर) के मिलल जुलल रूप हवे। ऊपर दू गो पट रेख बाड़ी जिनहन से भारत के तिरंगा झंडा के भान होखेला। एह चीन्हा वाला सिक्का सभ के पहिली लाट आठ जुलाई 2011 से चलन में आइल।

8 नवंबर 2016 के मोदी सरकार के एक ठो बड़ फैसला में पुरान 500 आ 1000 रुपिया के नोटबंदी के घोषणा कइल गइल आ ई ओही रात से लागू क दिहल गइल। एकर कारण, काला धन पर रोक लगावल, बतावल गइल। बाद में कैशलेस अर्थब्यवस्था के ओर आगे बढ़े खातिर उठावल गइल कदम के रूप में एह नोटबंदी के परचार कइल गइल। एही के बाद पुरनका 500 के जगह पर नया सीरीज के नोट आइल आ पहिली बेर 2000 रुपिया के नोट भी चलन में आइल। एह नया नोट सभ के डिजाइन छोट कीमत वाला नोट सभ पर भी लागू होखी।

शब्दसंपादन

रुपिया शब्द के उत्पत्ती संस्कृत के रूप्यकम् से भइल बतावल जाला। रूप्यकम् के अरथ चानी के सिक्का होखे। वर्तमान समय के रुपिया के सीधा संबंध शेर शाह सूरी के चलावल चानी के सिक्का से बाटे जेकरा के रुपिया कहल गइल। मुगल लोग एकरा के एही नाँव से चलावल आ अंगरेजी राज में भी इहे परंपरा चलल चलि आइल।

बंगाल में रुपिया खातिर "टका" शब्द के इस्तेमाल होला। ई रुपिया के आम अरथ में इस्तेमाल होला, भले करेंसी कौनों भी होखे।

वर्तमान में चलन में नोटसंपादन

वर्तमान में, 10 नवंबर 2016 तक ले, चलन में रुपिया के नोट सभ के लिस्ट नीचे दिहल गइल बाटे:

वर्तमान में चलन में नोट
Image कीमत साइज मुख्य रंग बिबरण चलन क तारीख चलन में
सामने उल्टा सामने उल्टा वाटरमार्क
    1 97 × 63 mm नीला एक रुपिया के सिक्का सागर सम्राट अशोक स्तंभ 1994 / 2015[4][5] कम
    5 117 × 63 mm हरियर महात्मा गाँधी ट्रैक्टर महात्मा गाँधी 2002 / 2009 कम
    10 137 × 63 mm नारंगी-बैंगनी गैंडा, हाथी, शेर 1996 / 2006 भरपूर
    20 147 × 63 mm लाल-नारंगी माउंट हैरियेट, पोर्ट ब्लेयर 2001 / 2006 भरपूर
    50 147 × 73 mm बैंगनी भारतीय संसद 1997 / 2005 भरपूर
    100 157 × 73 mm बीच में नीला-हरा, दूनों किनारे भूरा-बैंगनी हिमालय परबत 1996 / 2005 भरपूर
    500 150 × 66 mm चट्टानी मटियाहूँ लाल किला 2016 भरपूर
    2000 166 × 66 mm मैजेंटा मंगलयान 2016 भरपूर
तालिका मानक खातिर देखल जाय नोट_स्पेसिफिकेशन_तालिका

संदर्भसंपादन

  1. "Indian Rupee to be legal tender in Zimbabwe". दक्कन हेराल्ड.[पूरा उद्धरण जरूरी]
  2. "APPENDIX TABLE 4: INFLATION, MONEY AND CREDIT" (PDF). भारतीय रिजर्व बैंक. 29 अगस्त 2016.
  3. "Reserve Bank of India FAQ — Your Guide to Money Matters". Rbi.org.in. पहुँचतिथी 5 November 2014.
  4. "Printing of One Rupee Currency Notes Rules, 2015". The Dollar Business.
  5. India new 1-rupee note dated 2015 confirmed BanknoteNews.com. 25 मई 2015. Retrieved on 26 मई 2015.