महाकालेश्वर

महाकाल मंदिर भारतीय राज्य मध्य प्रदेश के उज्जैन शहर में एगो हिंदू मंदिर बा। ई शिव के मंदिर हवे आ एकर मुख्य देवता महाकालेश्वर के नाँव से जानल जालें जबकि मंदिर में अस्थापित शिवलिंग बारह गो ज्योतिर्लिंग सभ में से एक हवे। देवता महाकाल के हिंदू, बौद्ध आ सिख धर्म में जिकिर मिले ला आ ई हिंदू धर्म में काली के संगी मानल गइल हवें। उज्जैन के महाकाल मंदिर एही हिंदू धर्म के महाकाल के सभसे परसिद्ध आ प्राथमिक मंदिर हवे।

महाकाल मंदिर
मध्य प्रदेश में लोकेशन
बेसिक जानकारी
लोकेशन	उज्जैन
अक्षांस-देशांतर	23°10′58″N 75°46′6″E
देवता	महाकालेश्वर (शिव) भा महाकाल
तिहुआर	शिवरात, सावन के महीना
राज्य	मध्य प्रदेश
देस	भारत
वेबसाइट	http://www.mahakaleshwar.nic.in

एह मंदिर के जिकिर प्राचीन साहित्य तक में मिले ला आ एकर बरनन कालिदास नियर कवी कइले बाने। आजकाल के समय में सालो भर इहाँ हिंदू तीर्थयात्री लोग आवे ला जबकि सावन के महीना में आ शिवरात के इहाँ खास भारी भीड़ होखे ले। भारतीय ज्योतिष के मोताबिक सुरुज के कर्क राशि से सिंह राशि में परवेश करे के समय, जेकरा सिंघस्थ कहल जाला, एह मंदिर क खास साजबाज कइल जाला।