रामदा एशिया पसिफ़िक

रामदा एशिया पसिफ़िक विन्धाम होटल ग्रुप के द्वारा संचालित अंतर्राष्ट्रीय होटल चैन क एगो क्षेत्रीय अंग ह.

रामदा एशिया पसिफ़िक नेट्वर्क सन् 1991 में चीन की गुआंगज्होउ प्रांत से एगो होटल की साथ शुरू भइल रहे. तबसे इ ए क्षेत्र की 12 देश में 79 होटल की साथ फ़ैल चुकल बा. अगला कुछ साल में एशिया पसिफ़िक क्षेत्र की खातिर एकर कई सम्पति क योजना बा.

1. एशिया पसिफ़िक क्षेत्र में सम्पति

एशिया पसिफ़िक में रामदा होटल एकल मलिकी की तहत बा आ व्यवसाय खातिर सफ़र करे वाला लोगन की अलावा मध्यमवर्गीय लोग जे छुट्टी मनावे आवे ला, ओके आकर्षित कइले की हिसाब से स्थापित कइल गइल बा. एमें खईले पिअले क सुविधा, बिजनस क सुविधा और जिम क सुविधा की साथ सब जरुरी सुविधा उपलब्ध बा.

एशिया पसिफ़िक में इ होटल ऑस्ट्रेलिया, चीन, गुआम, होन्ग कोंग, भारत, इंडोनेशिया, जापान, कोरिया, मलेशिया, न्यू कैलेडोनिया, पाकिस्तान, श्रीलंका और थाईलैंड में फैलल बा.

2. भविष्य में विस्तार क योजना

सिंगापुर

विन्धाम होटल ग्रुप सन् 2014 में 391 रूम की साथ बलेस्टर पार्क क्षेत्र में शुरुआत क योजना बनवले रहे. ए 17 मंजिल होटल में रेस्तरां, फिटनेस सेण्टर, स्विमिंग पूल, बिजनस सेण्टर आ 600 स्क्वेअर मीटर से अधिक क मीटिंग क जगह होई.

चीन

फरवरी 2010 में विन्धाम होटल ग्रुप चीन में विस्तार कइले क घोषणा कइले रहे, जेसे कुल रामदा होटल क सम्पति ओइजा 39 हो गइल. ए कुल होटल में रेस्तरां, फिटनेस सेण्टर, स्विमिंग पूल, बिजनस सेण्टर जइसन सुविधा मिली.

भारत

भारत में ए समूह क योजना विस्तार क के 14 ले पहुँचले क रहल ह. विस्तार क योजना अमृतसर , नई दिल्ली, द्वारका, गुरुग्राम में रहल ह.

थाईलैंड

इ समूह सन् 2009 में बैंग्कोक में विस्तार योजना पर सही कइले रहे. कुल 3 नया सम्पति क निर्माण एइजा चलता, एकरी बाद एइजा रामदा होटल की कुल संख्या 6 हो जाई. ए होटल में शारीरिक रूप से अक्षम मेहमान लोगन खातिर ख़ास सुविधा दिहल जाला.