रिहंद नदी
रिहंद नदी (जेकरा के रेणु, रेणुका, रेंड, रेर भा रेहर भी कहल जाला) सोन नदी के सहायक नदी हवे आ भारत के छत्तीसगढ़ आ उत्तर प्रदेश राज्य सभ से हो के बहे ले। एकर पुरान नाम रेणु भा रेणुका रहे।
| रिहंद नदी | |
|---|---|
 इंपीरियल गैजेटियर में रेहड़ नदी आ सरगुजा राज के देखावत नक्शा | |
| लोकेशन | |
| देस |  भारत |
| राज्य | छत्तीसगढ़, उत्तर प्रदेश |
| भौतिक लच्छन सभ | |
| Source | मतिरंगा पहाड़ी |
| - location | सरगुजा जिला, सुरजपुर जिला, छत्तीसगढ़ |
| मुहाना | सोन नदी |
- location | उत्तर प्रदेश, सोनभद्र जिला |
- coordinates | 24°31′52″N 82°59′57″E / 24.53111°N 82.99917°Eनिर्देशांक: 24°31′52″N 82°59′57″E / 24.53111°N 82.99917°E |
| Discharge | |
| - location | सोन नदी |
बहाव के मारग संपादन करीं
रिहंद मतिरंगा पहाड़ी से निकले ले, ई इलाका मैनपत पठार के दक्खिन-पच्छिम में बाटे जे औसत समुंद्र तल से लगभग 1,100 मीटर ऊपर बाटे। ई नदी सरगुजा आ सूरजपुर जिला के बीच से हो के मोटा-मोटी उत्तर के ओर 160 किलोमीटर (99 मील) । रिहांड आ एकरे सहायक नदी सभ जिला के मध्य भाग में एगो उपजाऊ मैदान बनावे लीं जे एकरे उत्पत्ती से ले के लखनपुर, सूरजपुर, प्रतापपुर ले फइलल बा।[1] एकरे बाद ई उत्तर प्रदेश के सोनभद्र जिला में वाया मध्य प्रदेश के सिंगरौली जिला से हो के बहे ले, जहाँ एकरा के रेड कहल जाला आ अंत में सोन नदी में मिल जाले।
सहायिका नदी सभ संपादन करीं
सूरजपुर जिला में एकर प्रमुख सहायिका नदी महाना, मोरना (मोरनी), गेउर, गागर, गोबरी, पिपाराचार, रामदिया आ गलफुल्ला बाड़ी स।[1] कई गो मौसमी आ बारहोमासी नदी रिहंद रिजर्वायर में मिले लीं जइसे कि मध्य प्रदेश के सिंगरौली जिला के कंचन, मायर आ अजीर नदी।[2]
रिहंद बांध संपादन करीं
रिहंद बान्ह के निर्माण 1962 में पनबिजली उत्पादन खातिर मिर्जापुर डिवीजन के सोनभद्र जिला में पिपरी के लगे रिहंद नदी के आर-पार भइल; बंधा के पीछे बनल झील के नाँव गोविंद बल्लभ पंत सागर बा।[2] एह बंधा से सबसे नगीचे के रेलवे स्टेशन रेनुकूट बा।
रकसगंडा झरना संपादन करीं
रिहंद नदी पर एगो झरना बा जवना के नाम बा 'रकसगंडा', नदी अपना यात्रा में छत्तीसगढ़ के सूरजपुर जिला में ई झरना बनावे ले। पर्यटक लोग के नजरिया से ई झरना महत्व के चीज बाटे।[3]
संदर्भ संपादन करीं
- ↑ 1.0 1.1 "Surguja: Historical Background: The Rihand". Surguja district administration. Archived from the original on 30 August 2010. Retrieved 2010-08-03.
- ↑ 2.0 2.1 "Rihand Dam". india9. Retrieved 2010-08-03.
- ↑ पांडे, अमितेष (1 मई 2022). "छत्तीसगढ़ के सूरजपुर में नदी में पत्थरों के बीच से बहता है रकसगंडा झरना, देखें तस्वीरें". abplive.com. Retrieved 4 मार्च 2023.