लाराबांगा मस्जिद
लाराबांगा मस्जिद अफिरका के घाना देस में, लाराबांगा नाँव के गाँव में सूडानी स्टाइल में बनल एक ठो मस्जिद बाटे।[1] ई घाना देस के सभसे पुरान महजिद हवे आ पच्छिमी अफिरका के भी सभसे पुरान महजिद सभ में गिनल जाले। एकरा के "पच्छिमी अफिरका के मक्का" भी कहल जाला।
एकर स्थापना 1421 ई॰ में भइल आ एकरा बाद से अबतकले कई बेर एकर मरम्मत के काम भइल बाटे। बिस्व स्मारक फंड (WMF) एकरा मरम्मत खातिर कई बेर धन उपलब्ध करा चुकल बाटे आ एकरा के सभसे ढेर खतरा में 100 गो स्मारक सभ में गिने ला। माटी छोप के मरम्मत करे के स्थानीय कला भी एकरा वजह से जिंदा बचल बा।
महजिद में एक ठो बहुत पुराना ज़माना के कुरआन बाटे[2] जेकरा के इहाँ से लोग आकास से उतरल बतावे ला आ माने ला कि ई 1650 में जिदान बारीमाह बरम्ह नाँव के इमाम साहब के उनका प्रार्थना के फल के रूप में मिलल रहल।
महजिद के माटी आ सरकंडा से निर्माण भइल हवे। एह महजिद में दू गो ऊँच पिरामिड नियर बनावट वाला मीनारा बाने, एक ठो पूरुब ओर मक्का के ओर मुँह कइले मेहराब खातिर आ दुसरका उत्तर-पूरुब के कोन पर मीनार के रूप में बा। इनहन के आसपास बारह गो अन्य छोट भवन-रचना बाड़ी सऽ।
संदर्भ
संपादन करीं- ↑ "Larabanga Mosque". Ghana Tourism Authority. Archived from the original on 2013-10-29. Retrieved 24 अक्टूबर 2013.
- ↑ "West Gonja District". Archived from the original on 2007-11-07. Retrieved 2017-04-10.
 | ई लेख कौनों धार्मिक स्थल या बिल्डिंग संबंधित एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |