विकिपीडिया:आँकलन

आँकलन मने कौनों चीज के जाँच के ओकरा परिणाम अनुसार ओ चीज के क्वालिटी बतावल बाटे। बाकी इहाँ एकर बिसेस अर्थ बा विकिपीडिया पर बनल लेखवन के अपनी राय अनुसार उन्हन के क्वालिटी बतावल। ए से इन्हन के एगो दर्जा मिल जाला जेवना से पता चलेला की लेख कवनी अवस्था में बाटे आ अबहिन ओम्मेन केतना बिस्स्तार आ सुधार करे के बाटे।

ढेर जानकारी चाहत होखीं त अंग्रेजी में देखीं: Article assessment section जहाँ ई आँकलन कइसे काम करेला एकर नीमन जानकारी दिहल बाटे।

अकसर पूछल जाए वाला सवाल

जरूरत

लेख सभ के आँकलन के जरूरति का बा?

ए से ई पता चलेला की लेख कवनी अवस्था में बाटे आ अभी केतना सुधार के जरूरत बाटे।

का ई आँकलन ऑफिशियल बाटे?

नाहीं; ई संपादन करे वाला सदस्य लोगन खातिर एक तरह के निशानदेही हवे की उन्हान लोगन के कवना लेख सभ पर सुधार के काम करे के चाहीं। ई पाठक लोगन खातिर ना हवे, बाकी लेख के दर्जा जाने में सहायता जरूर मिल सकेले पढ़हूँ वाला के।

आँकलन कइसे करीं

आँकलन के कर सकत बाटे?

आमतौर पर लेखवन के आँकलन केहू कर सकेला (सुरुआती से नीमन की बिचा में)। नीक लेख, ख़ूब नीमन आ बीछल लेख के आँकलन के तरीका दूसर बाटे। उन्हन खातिर नियमावली बाटे आ नामांकन आ सदस्यन की सामूहिक राय से उन्हन के आँकलन होला।

एही से आप सुरुआती लेख, C-क्लास लेख, B-क्लास लेख के पहिचान क के उन्हान के आँकलन कर सकत बानी, बाकी कौनों लेख के ए से बढ़ियां निसान देवे खातिर नामांकन करे के पड़ी आ मतदान से ई फ़ैसला होई।

कइसे पहिचान करीं?

नीचे दिहल पैमाना देखीं; अगर आपके ए पैमान की हिसाब से ई बुझात बा कई लेख कौना दर्जा के बा त आपन आँकलन जोड़ीं। धियान रहे की नीक लेख, ख़ूब नीमन लेख आ बीछल लेख के आँकलन मत जोड़ीं। आँकलन करे के तरीका नीचे दिहल बाटे।

का एकर संबंध Wikipedia:Article Feedback Tool से बा, ई कई ठे लेखवन की अंत में लउके ला?

नाहीं, ऊ एगो बिलकुले अलगा चीज हवे।

आम चिंता

हमके पहिले से दिहल आँकलन ठिक नइखे लागत तब?

निश्चिन्त हो के आप पुरान आँकलन बदल के अपनी समझ से एकर फिन से आँकलन कर सकत बानी।

का ई आँकलन सबका राय में एक्के नियर होखी?

नाहीं, कौनों लेख बदे अलग अलग लोगन के राय अलग हो सके ला। ई त एगो आसान आ औसत तरीका बाटे ई बताबे के कई अकुनों लेख कवनी अवस्था में बाटे। हमनी की लगे इहे सभसे नीमन तरीका बाटे, अगर राउर कौनों सुझाव होखे त जरूर बताईं (एही पन्ना की बातचीत पन्ना पर)।

पुरनका आँकलन करेवाला कौनों कमेंट काहें ना कइलस?

आँकलन के काम ढेर बा आ एही से आमतौर पर आँकलन करेवाला हो सकेला कौनों कमेंट न लिखले होखे। बाकी अगर आप के कौनों संदेह होखे त आँकलन करे वाला से सीधे पूछीं, ऊ जरूर जवाब दिहें लोग।

तरीका

आँकलन करे खातिर ई साँचा एकरी जरूरी पैरामीटर की साथे जोड़ीं:

दर्जा पैमाना

लेखवन के निसानी देवे खातिर आमतौर पर ई चीन्हा प्रयोग मे आवेला:

• बीछल लेख या FA
• पुरान बीछल लेख या FFA
• खूब नीमन लेख या A-क्लास लेख
• नीक लेख या GA
• लिस्ट से हट गइल नीक लेख या DGA
• B-क्लास लेख या B
• C-क्लास लेख या C
• सुरुआती लेख या Start
• आधार लेख या Stub
• ए चीन्हा कुल के एगो पुरा लिस्ट इहवाँ मिली।

नीचे इन्हन से संबंधित पैमाना दिहल बाटे जेवना की आधार पर ई निसान लेख पर लगावल जाला:

WikiProject article quality grading scheme

दर्जा	पैमाना	पढ़े वाला की नजर में	संपादन सुझाव	उदाहरण
FA	लेख के पैमाना की अनुसार ऑफिशियल तरीका से बीछल लेख चुन लिहल गइल होखे। पैमाना: बिस्तार से लेख बीछल लेख चुने के पैमाना पर सही उतरल होखे: बीछल लेख चुने खातिर पैमाना: विकिपीडिया पर बीछल लेख इहाँ मौजूद लेख सभ में से सभसे नीमन सामग्री वाला लेख बाटे। ई हमनी के विकि के सभसे बढ़ियां आ शानदार काम के उदाहराण होखे लें जिन्हन में लिखे के तरीका, बिसय पर जानकारी, जानकारी के प्रस्तुतीकरण, पर्याप्त संदर्भ दे के प्रमाणित कइल वगैरह सभ कुछ बहुत हाई लेवल के होला। विकिपीडिया पर बीछल लेख बने खातिर कौनों लेख में नीचे दिहल गइल गुण होखे के चाहीं, आ जब लेख ई पैमाना की हास्ब से होखी तब्बे ओके बीछल लेख चुनल जाई: ई होखे के चाहीं— बढ़ियाँ से लिखल: एकर गद्य सुंदर आ आकर्षक होखे के चाहीं, पढ़े वाला के स्पष्ट आ पढ़े में उत्सुकता जगावे वाला होखे के चाहीं, आसान भाषा में बाकी प्रोफेशनल स्तर के होखे के चाहीं; पूरा जानकारी: बिसय पर कौनों महत्व वाली जानकारी छूटल न होखे आ बिसय के पूरा प्रसंग साफ साफ बतावल गइल होखे; बढ़ियां से रिसर्च कइल: बिसय पर उपलब्ध बाहरी सामग्री के ख़ूब नीमन से रिसर्च कइ के लिखल होखे आ हर बात जेवन लेख में खल गइल होखे ओकर मजबूत, बिस्वास जोग आ तटस्थ प्रमाण दिहल गइल होखे; जहाँ भी जरूरत होखे इनलाइन उद्धरण दिहल गइल होखे के चाहीं; तटस्थ होखे: लेख में तटस्थ आ बिना बायस के कौनों बात लिखल होखे; आ स्थाई होखे: ई लेख संपादन लड़ाई के बिसय न बने आ समय की साथ एकरी सामग्री में बहुत बदलाव के गुंजाइश न होखे (कुछ मामूली अपडेट जरूर हो सकत बा आ भाषा में भी मामूली सुधार हो सकेला) आ ख़ाली बीछल लेख की प्रक्रिया की तहत एम्मे बदलाव कइल जाए लायक बचल होखे। ई लेख इस्टाइल निर्देश पर ठिक होखे, आ ई सब चीज जरूर पालन करत होखे— भूमिका: एगो मझिला आकार के भूमिका जेवना में बिसय के संछेप में परिचय होखे आ पढ़े वाला के बाकी खण्ड सभ के अंदाजा चले, पढ़ के पाठक बिसय के जानकारी बूझे खातिर तइयार हो सके; ठिक संरचना: क्रम से आ लेवल की अंदर लेवल बना के खण्ड में बाँटल गइल होखे आ साफ सुथरा बिसय सूची (TOC) बनावत होखे जेवन लेख की अंदर सामग्री खोजे में सुबिधा करे आ एतना लंबा भी न होखे की पाठक परेशां हो जाय; आ एकरूप प्रमाण: जहाँ भी प्रमाण दिहल गइल होखे आ उद्धरण के इस्तेमाल भइल होखे, एक तरह से सगरी संदर्भ उचित प्रारूप में होखें; मीडिया लेख में फोटो आ चित्र आ अउरी दूसर मीडिया के, जहाँ कहीं जरूरत होखे, सटीक कैप्शन, आ उचित लाइसेंस की साथ प्रयोग होखे। फोटो के प्रयोग में फोटो नीति के पालन होखे। गैर मुक्त फोटो या मीडिया उचित उपयोग के निर्देश के पालन करे आ एकर स्पष्ट सूचना होखे। लंबाई लेख मूल बिसय पर फोकस होखे एने-ओने के फालतू जानकारी न होखे बलुक ई संछेपण स्टाइल के बढ़ियां से प्रयोग करत होखे।	प्रोफेशनल, बेहतरीन, आ गहिराई ले ज्ञान देवे वाला; ज्ञानकोशीय जानकारी के निश्चित सोर्स बने लायक।	जबले कौनों नया जानकारी ना आ जाव, या निश्चित समय पर बदले वाला आँकड़ा नियर चीजन के छोड़ के अउरी कौनों सामग्री जोड़ले के जरूरत ना होला; ई संभव बा की गद्य की भाषा में कुछ सुधार जरूर हो सकेला।	Water fluoridation (August 2014 के अवतरण)
A	लेख बढ़ियां से लिखल होखे आ पूरा होखे, निष्पक्ष समीक्षा हो चुकल होखे आ समीक्षा की बाद सहमति होखे या प्रबंधक ए के समीक्षा में पास कर चुकल होखें, एके 'नीक लेख' चुनल गइल होखे ई कौनों जरूरी नइखे। पैमाना: बिस्तार से लेख A-क्लास लेख पैमाना पर ठीक उतरे: विकिपीडिया:A-क्लास लेख पैमाना	पाठक खातिर खूब उपयोगी होखे बिसय के लगभग पूरा बाति कवर हो गइल होखे आ बिसय से अनजान आदमी भी लेख पढ़ के संतुष्ट महसूस करे।	बिसय के एक्सपर्ट के सुझाव आ सुधार के जरूरत हो सकेला आ इस्टाइल में सुधार संभव बाटे।	Battle of Nam River (June 2014 के अवतरण)
GA	लेख नीक लेख के दर्जा पा चुकल होखे। पैमाना: बिस्तार से लेख नीक लेख पैमाना पर सही उतरत होखे: एगो नीक लेख होला— बढ़ियाँ से लिखल: लेख के भाषा आ गद्य आसान, साफ़ सुथरा आ स्पष्ट आ संछेप में बात कहे, कॉपीराइट नियम के आदर/पालन करे, इस्पेलिंग आ ब्याकरण सही होखे; आ ई लेख लेखन इस्टाइल में बतावल निर्देश सभ जइसे भूमिका, लेआउट, धियान देवे वाला शब्द, कथा-कहानी, आ लिस्ट सहित के ठीक से पालन करे। प्रामाण सहित होखे आ आपन रिसर्च आ बिचार ना होखे: सगरी संदर्भ के लिस्ट होखे (मने कि स्रोत के पुरा जानकारी), आ ई लेआउट निर्देश की हिसाब से दिहल गइल होखे; सगरी इनलाइन उद्धरण बिस्वस्नीय स्रोत से लिहल होखें; आ कौनों प्रकार के आपन खुद के रिसर्च न होखे। बिसय के पूरा कवर करे: बिसय के मुख्य बात आ भावना के पूरा देखावत होखे; आ एकर टॉपिक पर फोकस होखे आ फालतू के बात न होखे (देखीं संछेप इस्टाइल)। निस्पक्ष होखे: ई निस्पक्ष आ तटस्थ भाव से सगरी संबंधित राय आ बिचार के उचित वजन दे के लिखे आ कौनों एगो पक्ष कि ओर झुकाव न देखावे। स्थाई: रोज रोज बदलाव होखले के संभावना आ लेख में लिखल बात पर संपादक लोगन में विवाद आ आपसी झगड़ा के वजह बने लायक न होखे। अगर संभव होखे त फोटो से बात के समझावल गइल होखे: सब फोटो टैग कइलजेवना से उन्हन के कॉपीराइट जानकारी साफ़ साफ़ मिल जाव, आ ई जरूर से जरूर होखे कि उचित उपयोग की जानकारी की साथ गैर मुक्त सामग्री के प्रयोग भइल होखे; आ फोटो सभ प्रासंगिक होखे आ कैप्शन ठीक से दिहल होखे।	सगरी पढ़े वालन खातिर उपयोगी होखे, बिना कौनों समस्या के; एगो प्रोफ़ेशनल ज्ञानकोश की लेख लायक दर्जा ले लगभग पहुँच चुकल होखे, बाकी अभी कुछ मामूली सुधार बचल होखे।	कुछ सुधार जरूरी हो सकेला जेवना खातिर ए के कौनों बीछल लेख से तुलना कइल जा सकत बाटे। एक्सपर्ट लोगन के ज्ञान आ इस्टाइल में सुधार, मीडिया जोड़ के सजावट नियर कुछ काम कइल जा सकत बाटे।	YouTube (August 2014 के अवतरण)
B	लेख में कौनों बहुत बड़ कमी न होखे आ कुछ सुधार बचल होखे जेवना की बाद ए के नीक लेख चुनल जा सके। पैमाना: बिस्तार से The article meets the छह गो B-क्लास पैमाना:विकिपीडिया:B-क्लास पैमाना	आम पढ़े वाला के ई न लागे कि अउरी जानकारी छूट गइल बाटे; हालांकि एही बिसय के बिद्यार्थी या रिसर्चर के जानकारी में कमी महसूस हो सकेला।	लेख में सामग्री के बिस्तार, अउरी सामग्री जोड़ले के आ एक्सपर्ट की ज्ञान के जरूरत हो सकेला। सपोर्ट करे वाला मीडिया आ फोटो, कोटेशन दिहल जा सकत बाटे। लेख के इस्टाइल में सुधार हो सकेला।	Apple Inc. (August 2014 के अवतरण)
C	लेख में ठीक ठाक जा कारी जोड़ल जा चुकल होखे बाकी अभी कई तरह के महत्व वाली जानकारी छूटल होखे, या कुछ फालतू जानकारी होखे जेवना के हटावे के या दूसरी लेख में डाले के जरूरत होखे। लेख में संदर्भ होखे। लेख में अभी सफाई के जरूरत होखे। पैमाना: बिस्तार से The article cites at least one reliable source and is better developed in style, structure, and quality than Start-Class, but it fails one or more of the criteria for B-Class. It may have some gaps or missing elements; need editing for clarity, balance, or flow; or contain policy violations, such as bias or original research. Articles on fictional topics are likely to be marked as C-Class if they are written from an in-universe perspective. It is most likely that C-Class articles have a reasonable encyclopedic style.	पढ़े वाला के सामान्य जाकारी के अंदाज जरूर मिल सकेला बाकी आम पढ़े वाला के भी लेख में सामग्री आ संदर्भ के कमी खल सकेला। सामान्य जानकारी होखे बाकी औसत दर्जा के ज्ञान रकेह वाला भी ई महसूस क ले कि लेख पूरा नइखे।	लेख में काफ़ी सुधार के जरूरत हो सकेला, सामग्री जोड़े खातिर भी आ सफाई समस्या के समाधान खातिर भी।	Bishop (chess) (August 2014 के अवतरण)
Start	लेख में बिस्तार शुरू हो चुकल होखे। पैमाना: बिस्तार से लेख में ठीक ठाक सामग्री जुडल होखे आ कम से कम २० वाक्य जुड़ चुकल होखे। संदर्भ हो भी सकेला ना भी हो सकेला। लेख के भाषा बहुत नीमन न होखे आ ज्ञानकोष लायक न होखे; लेख अभी विकिपीडिया की इस्टाइल के पालन न करत होखे। बिसय उल्लेखनीय होखे जेवना से एकरी तुरंत हटावल गइले के संभावना न होखे।	कुछ जानकारी मिले बाकी बहुत कुछ छूटल बुझात होखे।	सबसे पहिला काम कि कुछ बिस्वस्नीय संदर्भ जोड़ल जाय; भाषा के सुधार होखे, इस्टाइल में ढाले के जरूरत आ निबंध या बेतरतीब लिखल, कौनों ख़ाली पक्षपाते वाली बात लिखल होखे त ज्ञानकोष की भाषा में बदलल जाय।	Interval vector (February 2014 के अवतरण)
stub	एगो बहुत सुरुआती लेख, जेवना में कह्हली बिसय के परिभाषा या मामूली बर्णन होखे, हालांकि अगर लेख में सामग्री ढेर भी होखे तब्बो ई आधार लेख कहल जाला अगर बहुत खराब तरीका से लिखल होखे। पैमाना: बिस्तार से या त बहुत छोट लेख होखे, या बेतरतीब तरीका से जानकारी डाल दिहल गइल होखे; समझ में आवे लायक आ उपयोगी बने खातिर बहुत काम के जरूरति होखे। हालाँकि, ई सभसे निचला दर्जा हवे जेवन एगो लेख के मिलेला बाकी तब्बो इन्हन के लेख जरूर मानल जाला। एकरा बावजूद इन्हन के हटा दिहले के संभावना भी हो सकेले अगर एकरी खिलाफ मजबूत तर्क होखे।	बहुत कम जानकारी, लगभग डिक्शनरी नियर परिभाषा भर होखे या ए से कुछ अधिक होखे। बिसय के मतलब भी न बुझात होखे।	कौनों तरह के सामग्री जेवन बिस्तार करे में सहयोगी होखे जोड़ल जाय, कम से कम एक ठो संदर्भ दे दिहल जाय जेवना से बिसय के सही होख्ले के प्रमाण मिल जाव। चार पाँच लाइन के व्यवस्थित भूमिका लिख के सुधार दिहल जाव जेवना से सुरुआती लेख के दर्जा ले पहुँच जाय।	Crescent Falls (February 2013 के अवतरण)
FL	लेख के फीचर्ड लिस्ट के दर्जा मिल गइल होखे। पैमाना: बिस्तार से फीचर्ड लिस्ट पैमाना पर ठीक उतरत होखे:{{:en:Wikipedia:Featured list criteria}}	प्रोफ़ेशनल इस्टेंडर के होखे; पूरा होखे, आ आइटम सभ की बारे में ठीक से आ संछेप में जानकारी देत होखे।	जौले नया जानकारी न उपलब्ध हो जाव, लिस्ट के अपडेट करे के जरूरति ना होखे के चाहीं।	List of National Basketball Association season assists leaders (April 2014 के अवतरण)
List	विकिपीडिया की लिस्ट खातिर पैमाना पर ठीक उतरे, ई एगो ऐसल लेख होला जेवन मुख्य रूप से कौनों बिसय से संबंधित दूसर लेखवन की कड़िन के लिस्ट से बनल होला।	लिस्ट के कौनों सेट फार्मेट नइखे, बाकी ई तार्किक होखे के चाहीं आ पढ़े वाला खातिर उपयोगी होखे के चाहीं।	लिस्ट में विकिपीडिया की लेख सभ के जिंदा कड़ी के लिस्ट होखे के चाहीं, ठीक से नाँव दिहल होखे आ लिस्ट के आइटम नीक से बेवस्थित होखें।	List of Guggenheim Fellowships awarded in 1947 (January 2013 के अवतरण)