विटामिन डी

विटामिन डी (अंग्रेजी: Vitamin D) फैट (तेलउँस) में घुले वाला विटामिन हवे। एह में कई किसिम के सेकोस्टेरॉइड आवे लें जे मुख्य रूप से कैल्शियम, मैग्नीशियम आ फास्फेट सभ के आँत में सोखल जाए के काम में तेजी ले आवे लें आ इनहना के अउरी जीवी परभाव भी होला। मनुष्य में सभसे प्रमुख कंपाउंड सभ में विटामिन D₃ (जेकरा कोलेकैल्सीफेरॉल कहल जाला) विटामिन D₂ (एर्गोकैल्सीफेरॉल) होखे लें।

एह विटामिन के मुख्य प्राकृतिक सोर्स चमड़ा के अंदर सुरुज के रोशनी (घाम) में सरवते वाला प्रकृया होला जेकरा चलते कोलेकैल्सीफेरॉल के निर्माण होला। कोलेकैल्सीफेरॉल आ एर्गोकैल्सीफेरॉल दुनों के भोजन के साथे भी लिहल जा सके ला। बहुत कम्मे अइसन प्राकृतिक भोजन बाड़ें जिनहन में ई विटामिन भरपूर पावल जात होखे। कुछ चर्बी वाली मछरी सभ में एतना पावल जाला कि ओह से परभाव पड़े। कई देसन में गाई के दूध, या बनस्पति वाला दूध आ कुछ नाश्ता में लिहल जाए वाला अनाज सभ के बनावटी तरीका से विटामिन डी से फोर्टीफाई कइल जाला।