विशेषण

उदाहरण

करिया कुक्कुर दउरत बा। (गुणवाचक) लमहर लइका खेलत बाटे। (गुणवाचक) चार गो अदिमी आवत बाड़न। (निश्चित संख्यावाचक) थोरिके खाना खइहऽ। (अनिश्चित परिमाणवाचक) अइसन किताब कहीं ना मिली। (सार्वनामिक) ओइसन लइका ना देखलीं। (सार्वनामिक)

विशेषण (अंग्रेजी: adjective) अइसन शब्द होला जे कौनों संज्ञा चाहे संज्ञा वाक्यांश के बिसेसता बतावे ला। एकर अर्थबिज्ञान वाला भूमिका ई होखे ला कि ई संज्ञा द्वारा दिहल जा रहल जानकारी के बदले ला।

परंपरागत रूप से अंग्रेजी व्याकरण में एकरा के एडजेक्टिव कहल जाला आ ई मुख्य पार्ट ऑफ़ स्पीच (शब्द-भेद) सभ में गिनल जाला, हालाँकि इतिहासी रूप से एकरा के संज्ञा के साथहूँ बर्गीकृत कइल जाय। आज्काल्ह कुछ शब्द जे आमतौर प विशेषण में गिनल जायँ, जइसे कि दि, दिस, माय, वगैरह, अब इनहन के अलगा से डेटरमाइनर के रूप में चिन्हित कइल जाला।