प्रकाश संश्लेषण: रिवीजन सभ के बीचा में अंतर

'''प्रकाश संश्लेषण''' (अंगरेजी: ''फोटोसिंथेसिस'', Photosynthesis) अइसन प्रक्रिया हवे जेह में [[पौधा]] आ कुछ अन्य जीवधारी [[सुरुज]] के रोशनी में मौजूद ऊर्जा के रासायनिक ऊर्जा में बदल देलें, ई ऊर्जा आगे पौधा सभ आ जियाजंतु सभ के क्रियाकलाप में ईंधन के काम करे ला आ इस्तेमाल होखे के बाद गर्मी के रूप में रिलीज हो जाला। अंगरेजी के शब्द ''फोटोसिंथेसिस'' यूनानी भाषा के ''फोटो'' (प्रकाश) आ ''सिंथेसिस'' (जोड़ के एकट्ठा कइल आ एक बनावल) के मिले से बनावल गइल हवे। लगभग सगरी पौधा, सगरी [[सेवार]] (एल्गी) आ साइनोबैक्टीरिया सभ प्रकाश संश्लेषण के काम करे लें आ इनहन के ''ऑटोफोटोट्रॉफ'' नाँव दिहल जाला, मने कि प्रकाश से आपन भोजन खुदे बनावे वाला। एह प्रक्रिया में [[ऑक्सीजन]] फाजिल चीज के रूप में रिलीज होला। प्रकाश संश्लेषण के ई प्रक्रिया पृथ्वी के [[वायुमंडल]] में मौजूद वर्तमान ऑक्सीजन खातिर, ऑर्गेनिक कंपाउंड सभ खातिर आ जियत प्राणी सभ के द्वारा इस्तमाल कइल जाए वाली ऊर्जा खाती मूल स्रोत के रूप में बा।