सेनेटरी नैपकिन

सेनेटरी नैपकिन, सेनेटरी पैड या फिर पैड एक किसिम के गद्दीदार पैड होला जे महीनावारी के दौरान औरतन के बुर से निकसे वाला खून के सोखे खाती चड्ढी/पैंटी में पहिरल जाला। ई एक तरह के सफाई आ स्वच्छता (हाइजीन) रखे के जोगाड़ हवे। एह गद्दी सभ के ब्यापक रूप से औद्योगिक उत्पादन आ बिकिरी होखे के पहिले के जमाना में औरत सब एह काम खाती कपड़ा के टुकड़ा इस्तेमाल करें, हालाँकि, कम बिकसित देस सभ में अभिन ले अइसन बेहवार जारी बाटे।

सैनिटरी पैड

माहवारी के खून सोखावे के अलावा ई पैड अउरी इस्तेमाल में भी आ सके ला जइसे कि बुर के सर्जरी (ऑपरेशन) के बाद, जचगी के बाद होखे वाला डिस्चार्ज के सोखे खातिर, या फिर गरभ गिरावे के बाद या अइसन कौनों दसा में जब बुर से निकले वाला खून के सोखे के जरूरत होखे।