आइसोस्टेसी

आइसोस्टेसी चाहे आइसोस्टैसी (अंग्रेजी: isostasy, उच्चा.: आइसोस्टॅसी), भा आइसोस्टेटिक इक्विलिब्रियम (अंग्रेजी: isostatic equilibrium) पृथिवी के क्रस्ट आ मैंटल के बीचा में ग्रेविटेशनल इक्विलिब्रियम के स्थिति हवे जेह में क्रस्ट, मैंटल के ऊपर, अपना मोटाई आ घनत्व (डेंसिटी) के हिसाब से तय होखे वाली ऊँचाई पर "पँवरे ले" (फ्लोट करे ले)। ई कांसेप्ट एह बात के समझावे ला कि कइसे अलग-अलग टोपोग्राफिक ऊँचाई (पहाड़, पठार, मैदान के ऊँचाई) पृथिवी के धरातल पर मौजूद बाने। सुरुआत में ई टर्म महादीपी क्रस्ट आ मैंटल के ले के परिभाषित कइल गइल रहल, बाद में अब एकर ब्याख्या लिथौस्फियर आ एस्थेनोस्फियर के टर्म में कइल जाला, खासतौर पर दीपीय ज्वालामुखी, जइसे कि हवाई दीपसमूह, सभ के संदर्भ में।

हालाँकि, पृथिवी एगो डाइनामिक सिस्टम हवे आ लोड के पर एकर प्रतिक्रिया कई बिबिध तरीकन से होखे ला, आइसोस्टेसी बिबरन देला कि कवन अइसन सीमित करे वाला दसा बाड़ी स जे क्रस्ट आ मैंटल अइसन इक्विलिब्रियम (संतुलन भा समस्थिति) में बाड़ें। कुछ इलाका (जइसे कि हिमालय आ अउरी कन्वर्ज करे वाला प्लेट सीमा) आइसोस्टैटिक इक्विलिब्रियम में ना बाड़ें आ इनहन के ब्याख्या आइसोस्टेसी के मॉडल सब से ना हो पावे ला।

आइसोस्टेसी के ई जनरल टर्म पहिली बेर 1882 में अमेरिकी भूबिज्ञानी क्लैरेंस डटन इस्तेमाल कइले रहलें। हिंदी में एकरा के भूसंतुलन चाहे समस्थिति कहल जाला।

इहो देखल जाय

• प्लेट टेक्टॉनिक्स

अउरी पढ़े खातिर

• Lisitzin, Eugenie (1974). Sea-level changes. Amsterdam: Elsevier Scientific Pub. Co. ISBN 9780080870441. Retrieved 23 March 2022.

बाहरी कड़ी

• Oldham, Richard Dixon (1922). "Isostasy" . Encyclopædia Britannica (12th ed.).