आज
बरेली हलद्वानी पटना (कोलकाता संस्करण) रांची (धनबाद संस्करण) जमशेदपुर
| फॉरमैट | ब्रॉडशीट |
|---|---|
| संस्थापक | शिवप्रसाद गुप्त |
| प्रकाशक | ज्ञानमंडल लिमिटेड |
| मुख्य-संपादक | शार्दूल विक्रम गुप्त |
| स्थापना | सितंबर 5, 1920 |
| भाषा | हिंदी |
| मुख्यालय | बनारस |
| शहर | वाराणसी, गोरखपुर, इलाहाबाद (रीवा संस्करण), कानपुर (झासी संस्करण), लखनऊ, आगरा, बरेली हलद्वानी, पटना (कोलकाता संस्करण), रांची (धनबाद संस्करण), जमशेदपुर |
| देस | भारत |
आज हिंदीभाषा के एक ठो ब्रॉडशीट अखबार ह जे अपना मुख्य प्रकाशन स्थान बनारस के अलावा उत्तर प्रदेश, बिहार, झारखंड आ उत्तराखंड के कुल 12 स्थानन से छपे ला। आज के स्थापना हिंदी के बिकास आ आजादी के लड़ाई में सहजोग करे खातिर सन् 1920 में भइल।[1]
इतिहास
संपादन करींआज के अस्थापना सन् 5 सितंबर 1920 के भइल आ एकर संस्थापक शिवप्रसाद गुप्त रहलें जबकि संस्थापक संपादक बी॰ वी॰ पराड़कर रहलें। एकरे स्थापना के पीछे शिवप्रसाद गुप्त के 1914 में सुरू भइल बिदेस यात्रा के दौरान मिलल प्रेरणा रहल जहाँ ऊ अन्य देसवन में अपना भाषा के खातिर प्रेम आ सम्मान देख के प्रभावित भइलेन। आज के संचालक मंडल द्वारा प्रकशित कर्तव्य सूचना पत्र पर एह अखबार क उद्देश्य लिखल बा - "भारत के गौरव की वृद्धि और उसकी राजनीतिक उन्नति ‘आज’ का विशेष लक्ष्य होगा।"
बीच के कुछ साल (1943 से 1947 ले) छोड़ दिहल जाय त बाबूराव विष्णु पराडकर सन् 1920 से 1955 ले ‘आज’ के सम्पादक रहलें।[1][2] पराडकर के आज द्वारा दिहल योगदान खातिर हिंदी पत्रकारिता के पिता के उपाधि भी दिहल जाला।[2] कमलापति त्रिपाठी 1932 में आज अखबार में अइलेन आ कुछ समय बाद उनुके संपादक आ पराड़कर के प्रधान संपादक बना दिहल गइल।[1]
वर्तमान समय, अगस्त 2016 में, आज के प्रधान संपादक शार्दूल विक्रम गुप्त बाड़ें।
संदर्भ
संपादन करीं- ↑ 1.0 1.1 1.2 "आज अखबार के बारे में". Ajhindidaily.com. Archived from the original on 2020-06-30. Retrieved 2016-08-24.
- ↑ 2.0 2.1 Sevanti Ninan (8 मई 2007). Headlines From the Heartland: Reinventing the Hindi Public Sphere (अंग्रेजी में). SAGE Publications. pp. 49–52. ISBN 978-0-7619-3580-3.
 | ई अखबार-संबंधी लेख एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |