मुख्य मेनू खोलीं

इंडस्ट्री (Industry) भा उद्योग कौनों अर्थब्यवस्था में बस्तु आ संबंधित सेवा सभ के उत्पादन हवे। कौनों समूह भा कंपनी के आगम के प्रमुख स्रोत ओकरे संबंधित इंडस्ट्री के इंडिकेटर होला। जब बड़हन समूह सभ, कई गो आगम के स्रोत से आगम हासिल करें, उनहन के कई इंडस्ट्री में काम करे वाला मानल जाला।

मैन्यूफैक्चरिंग इंडस्ट्री भा बिनिर्माण उद्योग सभसे प्रमुक सेक्टर के रूप में सोझा आइल जब यूरोप आ अमेरिका में औद्योगिक क्रांति (इंडस्ट्रियल रिवोल्यूशन) के दौर आइल। इंडस्ट्रियल क्रांति के एह दौर में पहिले से चल आ रहल सामंतवादी आ बाणिज्यवादी अर्थब्यवस्था सभ के नोकसान चहुँपल आ नया किसिम के अर्थब्यवस्था पैदा भइल। एह दौर के सभसे प्रमुख बिसेस्ता टेक्नॉलजी के तेजी से बिकास आ स्टील आ कोइला के उत्पादन रहल।

इंडस्ट्रियल क्रांति के बाद के दौर में, अब जब देखल जाय, दुनियाँ के कुल आर्थिक उत्पादन के लगभग एक तिहाई हिस्सा मैन्यूफैक्चरिंग इंडस्ट्री से आवे ला। कई गो बिकसित आ बिकाससील/कुछ-बिकसित देश (चीन, भारत इत्यादि) भारी मात्रा में मैन्यूफैक्चरिंग इंडस्ट्री पर निर्भर बाड़ें। जवना देस में जवन इंडस्ट्री अस्थापित होखे, ओह देस के अर्थब्यवस्था से, आपसी निर्भरता (इंटरडिपेंडेंस) के बहुत जटिल जाल द्वारा जुड़ल होखे लीं।

संदर्भसंपादन