ईटानगर

ईटानगर भारत की अरुणाचल प्रदेश प्रान्त क राजधानी ह। हिमालय की निचला भाग में स्थित ई सुन्दर शहर प्रशासनिक रूप से पापुम पारे जिला में आवेला।

प्रान्त क राजधानी होखला की वजह से ईटानगर देश की बाकी हिस्सन से बढियाँ से जुडल बा। गौहाटी से ईटानगर खातिर रेगुलर हेलीकाप्टर आ बस चलेला आ इहाँ से सबसे नजदीकी रेलवे स्टेशन नाहरलागुन में बा।

इहँवा देखे लायक जगह में एगो पंद्रहवीं सदी क इतिहासी ईटा-किला बाटे जेवना की आधार पर ए शहर क नाँव पड़ल बा। एकरी अलावा गंगा झील आ बुद्ध मंदिर देखे लायक बा।

भूगोल

ईटानगर क भूगोलीय लोकेशन 27.1°उ. 93.62°पू. बाटे आ समुद्र तल से ऊंचाई 750 मीटर बा ।

ईटानगर क जलवायु नम शीतोष्ण प्रकार क बा आ कोपेन की सिस्टम में Cwb प्रकार क बतावल जा सकेला। जाड़ा में बरखा ना होले आ गर्मी में बरखा क शुरुआत जल्दी हो जाले।

संस्कृति

ईटानगर में विविध प्रकार क आदिवासी लोग बसल बा आ बौद्ध धर्म क प्रभाव भी लउकेला। गोम्पा बुद्ध मंदिर इहँवा दलाई लामा द्वारा अस्थापित थेरवाद क मंदिर हवे।