एड्रियाटिक सागर

एड्रियाटिक सागर (अंग्रेजी: Adriatic Sea) दक्खिनी यूरोप में भूमध्य सागर के हिस्सा हवे, एकर उत्तरी बाँह, जे इटली प्रायदीप आ बाल्कन प्रायदीप के बीचा में बा आ दक्खिन में ओत्रांतो जलजोड़ एकरा के आयोनियन सागर से जोड़े ला। एकर बिस्तार उत्तर-पच्छिम से दक्खिन-पूरुब के दिसा में लंबाई लिहले बाटे, एकरे उत्तर में जमीनी हिस्सा पर इटली के परसिद्ध "पो घाटी" बाटे आ एह सागर के उत्तरी हिस्सा वेनिस के खाड़ी कहाला जे वेनिस शहर के नाँव पर पड़ल हवे।

एड्रियाटिक सागर
लोकेशन	दक्खिनी यूरोप
निर्देशांक	43°N 15°E
प्रकार	सागर
आगम	Adige, Bojana, Drin, Krka, Neretva, Po, Soča
निकास	आयोनियन सागर
थाला	235,000 किमी2 (2.53×1012 वर्ग फु)
थाला के देस	Bordering: Italy, Albania, Croatia, Greece, Montenegro, Slovenia, and Bosnia and Herzegovina Not bordering: Serbia, North Macedonia, Kosovo, Austria, Switzerland and France (drainage basins for inflow rivers)
अधिकतम लंबाई	800 किमी (500 मील)
अधिकतम चौड़ाई	200 किमी (120 मील)
सतह क्षेत्र	138,600 किमी2 (1.492×1012 वर्ग फु)
औसत गहिराई	252.5 मी (828 फीट)
अधिकतम गहिराई	1,233 मी (4,045 फीट)
आयतन	35,000 किमी3 (2.8×1010 एकड़·फीट)
जलनिवास समय	3.4±0.4 years
नमकीन	38–39 PSU
किनारा के लंबाई1	3,739.1 किमी (2,323.4 मील)
ऊपरी तापमान	28 °C (82 °F)
निचला तापमान	9 °C (48 °F)
दीप	1300 से बेसी
आबादी	बारी, इटली, वेनिस, Trieste, Split, Pescara, Koper, Šibenik, Rimini, Rijeka, Durrës, Ancona, Zadar, Vlorë, Brindisi, Dubrovnik, Neum
1 किनारा के लंबाई कौनो सटीक माप ना हवे।

एड्रियाटिक सागर के पच्छिमी तीरे पर इटली देस हवे आ पूरबी तीरे पर उत्तर से दक्खिन के क्रम में स्लोवेनिया, क्रोशिया, बोस्निया अउरी हर्जेगोविना, आ अल्बानिया देस बाड़ें जे बाल्कन प्रायदीप के पूरबी तट पर हवें।

एड्रियाटिक सागर में लगभग 1300 के आसपास छोट-बड़ टापू बाड़ें जिनहन में सभसे बेसी, बारह सौ से बेसिये, क्रोएशिया के तट के सहारे बाड़ें। एह सागर में सबसे बेसी एक्सक्लूजिव इकोनॉमिक जोन के एरिया इटली के बा आ सभसे कम बोस्निया आ हर्जेगोविना देस के बाटे।

वेनिस एह सागर के तट पर मौजूद परसिद्ध शहर हवे आ बारी एकरे किनारे बसल सभसे बड़हन शहर हवे।