कंप्यूटर प्रोग्राम

कंप्यूटर प्रोग्राम अइसन निर्देश (इंस्ट्रक्शन) सभ के एकट्ठा समूह होला जिनहन के लागू क के (एक्जीक्यूट क के) कंप्यूटर कौनों दिहल गइल काम के पूरा क सके ला।

कंप्यूटर प्रोग्राम के एगो उदाहरण

आमतौर पर कंप्यूटर प्रोग्राम के केहू कंप्यूटर प्रोग्रामर ब्यक्ति दवारा कौनों प्रोग्रामिंग भाषा में लिखल जाला। ई लिखल प्रोग्राम, जे आदमी द्वारा पढ़ के बूझल जा सके ला अगर ओह ब्यक्ति के ऊ कंप्यूटर प्रोग्रामिंग भाषा आवत होखे। एकरा के सोर्स कोड कहल जाला। एह सोर्स कोड के ले के कंपाइलर चाहे असेंबलर मशीन कोड के चला सके ला। मशीन कोड अइसन इंस्ट्रक्शन होखे लीं जिनहन के कंप्यूटर बूझे ला आ डाइरेक्ट उनहन के लागू क सके ला। एकरे अलावा, कौनों कंप्यूटर प्रोग्राम के इंटरप्रेटर के मदद से एक्जीक्यूट कइल जा सके ला।

कंप्यूटर प्रोग्राम सभ, लाइब्रेरी आ संबंधित डेटा सभ के एकट्ठा समूह के सॉफ्टवेयर कहल जाला। कंप्यूटर प्रोग्राम सभ के उनहन के फंक्शन के आधार पर बाँटल जा सके ला जइसे की एप्लीकेशन सॉफ्टवेयर आ सिस्टम सॉफ्टवेयर। गणना आ डेटा मैनीपुलेशन में इस्तेमाल होखे वाला अंदरूनी तरीका के अल्गोरिद्म कहल जाला।