क्राउडसोर्सिंग

क्राउडसोर्सिंग (crowdsourcing) सोर्सिंग के अइसन मॉडल हवे जेह में केहू ब्याक्ति भा संस्था कुछ हासिल करे लें; ई हासिल होखे वाली चीज बस्तु हो सके ले भा सेवा हो सके ले, कौनों आइडिया हो सके ला भा फाइनेंस हो सके ला, आ एकर स्रोत (सोर्स) तुलनात्मक रूप से इंटरनेट प्रयोगकर्ता लोग के बिसाल संख्या होखे ले। शब्द के आबिस्कार साल 2005 में भइल - क्राउड (मने भीड़) आ आउटसोर्सिंग (आपन काम बाहर क लोग भा संस्था से करावल) के मिला के। हालाँकि, एगो मॉडल के रूप में ई चीज इंटरनेट भा डिजिटल जमाना से पहिलहूँ मौजूद रहल।