क्लाइटोरिस
क्लाइटोरिस (अंग्रेजी: Clitoris; हिंदी: भगनासा चाहे भगशेफ) एगो मादा अंग हवे जे लगभग सारा मैमल (अपना बच्चा के ढूध पियावे वाला जानवर) सभ में आ कुछ अउरी जानवर सभ में पावल जाला। मनुष्यन में ई अंग औरत के गुप्तअंग सभ के हिस्सा होला आ पेशाब के मार्ग के ठीक ऊपर, जहाँ लैबिया माइनर (जञनी के अंदरूनी ओठ नियर अंग) जुड़े लें, ओहिजे एगो छोट उभार नियर होखे ला।
| Clitoris | |
|---|---|
 The internal anatomy of the human vulva, with the clitoral hood and labia minora indicated as lines. The clitoris extends from the visible portion to a point below the pubic bone. | |
 Location of (1) clitoral hood and (2) clitoral glans | |
| डिटेल जानकारी | |
| Precursor | Genital tubercle |
| Dorsal artery of clitoris, deep artery of clitoris | |
| Superficial dorsal veins of clitoris, deep dorsal vein of clitoris | |
| Dorsal nerve of clitoris | |
| पहिचानक Identifiers | |
| ग्रे'स | p.1266 |
| टीए | A09.2.02.001 |
| एफएमए | 9909 |
ई औरत सभ में, नर मनुष्य के शिशन के समकक्ष अंग हवे, हालाँकि ई बहुत बिकसित ना होखे ला आ एह में कौनों डिस्टल ओपनिग मने के बाहर खुले वाला छेद ना होला। एह अंग के, प्रजनन में कौनों रोल ना होला न एह अंग के जरिये पेशाब निकसे ला; हालाँकि मनुष्य के अलावा कुछ अइसन जानवर जरूर बाने जे एह अंग के इस्तेमाल पेशाब करे आ जननांग के रूप में इस्तमाल करे लें। उदाहरण खाती, चित्तीदार हाइना (लकडबग्घा के एगो प्रजाति) जेकर क्लाइटोरिस भरपूर बिकसित अंग होला, एही के जरिये पेशाब कइल, संभोग कइल आ बच्चा जनले के काम करे ला