डार्क वेब

डार्क वेब (अंग्रेजी: dark web) (डार्क माने करिया, अन्हार, जवन अन्हार में होखे, मने कि छिपल) वल्ड वाइड वेब के अइसन सामग्री हऽ जे डार्क नेटवर्क सभ पर मौजूद होला, मने कि अइसन नेटवर्क सभ जिनहना ले पहुँचे खाती कौनों खास सॉफ्टवेयर, कन्फिगरेशन भा पासवर्ड नियर कौनों पहिचान के जरूरत होखे। डार्क वेब जवन बा, डीप वेब के एगो छोटहन हिस्सा हवे जबकि डीप वेब में अइसन सगरी चीज आ जाला जे सर्च इंजन द्वारा इंडेक्स न होखत होखे। हालाँकि, इहो देख के मिले का कि अक्सरहा डीप वेब खाती लोग गलती से डार्क वेब शबद के इस्तमाल करे ला।