तूफा

तूफा चूना पाथर (लाइमस्टोन) के एगो किसिम हवे जे साधारण तापमान पर पानी के भीतर कैल्शियम कार्बोनेट के थिरा के बइठ जाए आ जम जाए से बने ला। बाद में झील चाहे सागर के पानी के कम हो जाए पर ई तूफा सभ चट्टान नियर बहरें निकसल देखलाई पड़ें लें।

अमेरिका के कैलिफोर्निया में मोनो झील के बीचा में तूफा के पिलर।

ई गरम पानी में बने वाला चूना पाथर के चट्टान से अलगा होखे लें, उनहन के ट्रेवरटाइन कहल जाला। इनहन के ज्वालामुखी से निकलल पदार्थ से बने वाला टफ सभ से भी अलगा बूझल जाए के चाहीं।