निधिवन, वृंदावन

निधिवन' "तुलसी वन" भारत के उत्तर प्रदेश के मथुरा जिला में स्थित वृन्दावन के पवित्र स्थल बाटे। एके हिंदू देवता राधा आ कृष्ण आऊर उनकर सखी गोपी लोग के लीला खातिर समर्पित एगो प्रमुख स्थल मानल जाला। भक्त लोग के बीच ई आम मान्यता बा कि राधा-कृष्ण के रसलीला आज भी निधिवन में रात के समय में होला। एही से रात में केहू के निधिवन परिसर के भीतर रहे के मनाही बा।

निधिवन
निधिवन क घनघोर तुलसी वन
भूगोल
भूगोलीय स्थिति	27.583269°N 77.697643°E / 27.583269; 77.697643
देश	भारत
State	उत्तर प्रदेश
जिला	मथुरा जिला
लोकेशन	वृंदावन

एह आँगन में तुलसी के पौधा अक्सर ऊँचाई में छोट होलें आ जोड़ी में पावल जालें। तुलसी पौधा के अलावा एह परिसर में "रंग महल" नाम के मंदिर भी बा, जहाँ मानल जाला कि राधा आ कृष्ण रासलीला के बाद रात बितावेलें। परिसर के भीतर एगो अउरी मंदिर भी बा जेकरा के "बंसीचोर राधा मंदिर" कहल जाला, जहाँ राधा कृष्ण के बांसुरी चोरा लेले रहे। एकरे अलावा एगो तीर्थस्थल भी बा जे स्वामी हरिदास के समर्पित बाटे जे अपने भक्ति से "बांके बिहारी" के मूर्ति बनवले रहने। एम्मा "रसलीला स्थली" (जहाँ रासलीला के प्रस्तुति होला) आ "ललिता कुंड" भी परिसर में मौजूद बा। मानल जाला कि जब गोपी लोग रासलीला के बीच में पानी मंगले त कुंड के निर्माण खुद कृष्ण कइले रहले।