पिज्जा
इटैलियन खाना जेकरा तंदूर में पकावल जाला आ ऊपर बिबिध चीज के सजावट होला
पिज्जा चाहे पित्ज़ा (अंग्रेजी: Pizza) इटली देस मूल के एगो पकवान हवे जे आजकाल बहुत जगहन पर चलनसार बा। ई आटा-मैदा के गोल चापट (मोट रोटी नियर) आधार (बेस) पर तरह-तरह के सब्जी आ अउरी सामान के टॉपिंग के साथे सेंक के बनावल जाला।
 पित्जा मार्गेरीटा | |
| किसिम | चापट रोटी |
|---|---|
| खाए के समय | लंच चाहे डिनर |
| उत्पत्ती अस्थान | इटली |
| क्षेत्र | कैंपानिया (नेपल्स) |
| परोसे के ताप | गर्मागर्म चाहे कुछ गरम |
| मुख्य सामग्री | आटा आ सॉस |
| बिबिध रूप | Calzone, panzerotti, Stromboli (food) |
आमतौर प एकरा बेस के बनावे खातिर गोंहूँ के आटा-मैदा इस्तेमाल होला जेह में कई बेर भराँव (स्टफिंग) के इस्तेमाल हो सके ला। ऊपर के छिडकाव में टमाटर, शिमला मिरचा, मशरूम, ऑलिव, पनीर, आ अउरी कई किसिम के चीज हो सके ला। परंपरा अनुसार इटली में ई लकड़ी के आगी पर रखल तंदूर पर सेंकल जाय आ बिना काटले परोसल जाय। हालाँकि, आजकाल ई आधुनिक ओवन सभ में तेज आँच पर सेंकल जाला आ कई पीस में काट के परोसल जाला।
कई देसन में, जेह में भारतो सामिल बा, वर्तमान में ई आर्डर करे वाला फास्ट-फ़ूड सभ में से सभसे चलनसार आइटम में से एक बा।
संदर्भ
संपादन करीं| ई खाना-संबंधी लेख एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |