प्रायदीप

प्रायदीप या प्रायद्वीप जमीन क अइसन बड़हन हिस्सा होला जेवन तीन ओर से समुन्द्र से घेराइल होला। ई अंतरीप से अलग होला जेवन छोट आ पातर जमीनी हिस्सा होला आ समुन्द्र में दूर ले घुसल होला। हालांकि कुछ परिभाषा में एम्मे अंतरीप, स्पिट आ जमीन से जुडल दीप वगैरह के भी प्रायदीप मान लिहल जाला।

दक्षिण भारत (भारतीय प्रायद्वीप)।

अरब प्रायदीप

उदाहरण खातिर भारत क दक्खिनी पठार वाला हिस्सा एगो प्रायदीप हवे जेवना की पच्छिम ओर अरब सागर, पुरुब ओर बंगाल क खाड़ी आ दक्खिन ओर हिन्द महासागर बाटे। एही तरे यूरोप महादीप के भी एगो बड़ा प्रायदीप मानल जाला आ "प्रायदीपन क प्रायदीप" कहल जाला।