बैजंती या बैजयंती फूल वाला पौधा सभ के एगो जाति बा जवना में 19 गो प्रजाति शामिल बाड़ी।[2][3][4] ई जाति के पौधन के नजदीकी संबंध जिंजीबेरल्स कुल के पौधा सभ से बाटे जवना में आदी (अदरक), हल्दी, केला इत्यादि के पौधा आवेलें।[5]

बैजंती
Cana
Canna sp.jpg
एगो हाइब्रिड बैजंती के फूल आ पत्ता
बैज्ञानिक वर्गीकरण
किंगडम: प्लांटाई
(बिना रैंक कइल): एंजियोस्पर्म
(बिना रैंक कइल): Monocots
(बिना रैंक कइल): en:Commelinids
ऑर्डर (Order): en:Zingiberales
परिवार: कानानाइ
Juss.[1]
जाति (Genus): काना
लि॰
प्रजाति

19 गो प्रजाति के लिस्ट अंगरेजी में देखल जाय: List of Canna species

जीव बिग्यान में एह जाति के काना (Cana) कहल जाला आ ई कानाकाई (Cannaceae) परिवार के अकेल जाति समूह हवे। एह जाति के पौधा सभ के पत्ता आ फूल सुंदरता खातिर जानल जालें आ एही खातिर लोग इनहन के सजावटी पौधा के रूप में लगावे ला। एकर फूल नारंगी या लाल रंग के टोन में होखे लें आ चमकदार रंगत वाला होलें। गाँव देहात में ई पौधा अक्सर पानी एकट्ठा होखे वाली जगह पर अपने आप पनप के झांग नियर हो जाला। शहरन में एकर सजावटी पौधा के रूप में घर से ले के पार्क आ गार्डेन सभ में ब्यापक इस्तेमाल होला।

सुंदरता के आलावा ई पौधा के खेती होला। कारण की ई स्टार्च (मंड) के बहुत धनी स्रोत बाटे।

भूगोलीय रूप से ई उष्णकटिबंधीय पौधा हवे आ गरम आ नमी वाला इलाका में मिले ला। हालँकि, ई समशीतोष्ण इलाका में भी उगावल जाला जहाँ गर्मी में 6-8 घंटा ले घाम मिल जाय। जाड़ा मे इन्हन के गर्म जगह पर ले जाए के परे ला।

संदर्भसंपादन

  1. Angiosperm Phylogeny Group (2009), "An update of the Angiosperm Phylogeny Group classification for the orders and families of flowering plants: APG III", Botanical Journal of the Linnean Society, 161 (2): 105–121, doi:10.1111/j.1095-8339.2009.00996.x, पहुँचतिथी 18 जनवरी 2016
  2. Nobuyuki Tanaka 2001. Taxonomic revision of the family Cannaceae in the New World and Asia. Makinoa ser. 2, 1:34–43.
  3. Cooke, Ian. (2001). The Gardener's Guide to Growing Canna, Timber Press. ISBN 978-0-88192-513-5
  4. The Cannaceae of the World, H. Maas-van der Kamer &Paulus Johannes Maria Maas, BLUMEA 53: 247-318
  5. Triloki Nath Khoshoo & Guha, I. - Origin and Evolution of Cultivated Cannas. Vikas Publishing House