मोबाइल एप्लीकेशन चाहे मोबाइल एप (Mobile app) अइसन कंप्यूटर प्रोग्राम चाहे सॉफ्टवेयर होखे लें जे मोबाइल डिवाइस सभ पर चले लें, जइसे कि मोबाइल फोन, स्मार्टफोन चाहे स्मार्टघड़ी में चले लें। सुरू में एह एप सभ के कुछ छोट-छोट काम खातिर बनावल गइल रहे बाकी बाद में इनहन के डिमांड बहुत तेजी से बढ़ल आ ई बहुत सारा कामन खाती बनावल गइलें। अब इनहन के इस्तेमाल गेम में, लोकेशन-आधारित सर्विस में, ऑर्डर-ट्रेकिंग में आ टिकट बुकिंग नियर बिबिध चीजन में हो रहल बा। आजकाल्ह लाखन गो एप मौजूद बाड़ें।

मोबाइल एप सभ के आइकन
एगो एंड्रॉइड मोबाइल फोन के स्क्रीन पर बिबिध एप सभ के आइकन देखात बाड़ें।

एप सभ के आमतौर प मोबाइल ऑपरेटिंग सिस्टम के मालिक कंपनी सभ अपना प्लेटफार्म पर उपलब्ध करावे लीं जहाँ से इन्हाना के डाउनलोड क के इंस्टाल कइल जा सके ला। उदाहण खाती एंड्रॉइड फोन सभ खाती गूगल के प्लेस्टोर अइसन प्लेफार्म हवे जहाँ से एप डाउनलोड कइल जा सके लें।